رواية أماغرام يشرح الصدر طاريه ولا صدود وعمرنا ماعشقنا كاملة بلا ردود

03-04-2012, 05:36 AM

كانت جالسة على الطاولة في المطبخ تناظر الأكل اللي قدامها بجمووود..
ماتحب تأكل في القصر يكفيها القليل وتكون في الملحق فقط..
حاولت تأكل لكن نفسها مارضت الا بكأس ماء وقطعة خبز صغيرة..
مع ان ماريا محضرة أطباق شهية من اللحم والخضار..
وحساء الدجاج..أنواع من المقبلات..
وكل شيء يكون جاهز قبل وقت الافطار..
ماريا كانت تتذمر من تغير أوقات الطعام لكن تعودت عليها..
وجبتين في اليوم افطار وسحور..
أحياناً كانت تساعد ماريا في الطبخ..
وأحيان كانت تمتنع من دخول المطبخ لأنها تشوف أم غازي موجودة فيه..
وهي سرحانة حست بوجود أحد معها في المطبخ..
رفعت راسها بسرعة وبعدها نزلت عيونها..
أم غازي دخلت المطبخ وماكانت تتوقع تشوف أحد فيه..
من شكلها أنصدمت من وجود هديل..
مافكرت من قبل هديل وين تأكل أو مع من..
لأن الأمر مايهمها..ولا يعنيها..
توجهت ل الثلاجة أخذت حبة اسبرين وشربت ماء..
وقفت هديل وكانت راح تطلع من المطبخ لما سمعت أم غازي تكلمها..
أم غازي\كملي أكلك..
هديل ناظرته\الحمدلله..
أم غازي تناظر بأكل هديل وترجع تناظر في هديل..
هديل\تأمرين على شيء؟؟
أم غازي\ممكن بعد الصلاة تجيني في المكتب؟؟
هديل\ان شاء الله..
خرجت من المطبخ وهي تتسأل وش اللي تبيه منها وليش طلبتها..
هاوشت نفسها لانها تفكر..
ماتعبتي من التفكير مهما تسألتي ماراح تعرفي وش تبي..
أكيد شغل أو غثاء..
دخلت غرفتها صلت صلواتها وقرئت من القرآن جزئين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛

رشا تضحك\هههههههههههه أنتي ماتبين أجرك يتم..؟؟
شوق\لااا ان شاء الله يتم..
أم غازي\أجل خلي عنك التحلطم..
شوق\يــومه وأنا وش قلت..هو صدق لو قضينا هالشهر في السعودية كان أحسن..
النهار هنا طويـــــــــــل مايخلص..
أم غازي\الصوم واحد هنا أو في السعودية..
شوق\المهم علمي ولدك أخر رمضان نقضيه هنا..
رشا\لا بيكون اخر رمضان تقضينه معنا والجاي مع زوجك..
شوق\وش جاب الطاري ألحين ؟؟
رشا مبققة عيونها\تزاعلتوا؟؟
شوق\ايه..
أم غازي\ومبسوطة..؟؟
شوق\ايه..
رشا\ولا يهمك يومه بعد شوي ترجع تعقل..
شوق\لا تزاعلنا وطلبت الطلاق..
أم غازي\هددتيه بالخلع مثل آخر مرة؟؟
شوق\لا الطلاق أحسن..
رشا\ههههههههههه رباااك مزبوط
شوق بقهر\انطمي..

انطق الباب ودخلت هديل..سلمت بهدوء..
وتركزت نظراتهم عليها..
رفعت راسها بتحدي وقربت من أم غازي..
هديل\آآمري..
أم غازي\اجلسي..
شوق\يومـــــــــه..
أم غازي\نعم..
شوق\وش تبين فيها؟؟
رشا\محتاجة شيء أجيبه لك؟؟
أم غازي\مو محتاجة شيء..شكراً..
هديل\مقدر أجلس عندي شغل..تأمرين على شيء..
أم غازي\ما أبى شيء..
هديل\أجل المعذرة منك عن اذنك..
شوق وتتمنى تقهر هديل بعد ماضربها غازي بسببها..
شوق\الا اريد أسألك؟؟
هديل بقرف\ما أتشرف..
شوق\أفا من زمان توسلتي لي أتكلم معك..
هديل بسخرية\زمان يعني من كم قرن؟؟
شوق\أخوك هادي يسلم عليك ومحملني أمانة لك..
بهتت بمكانها وأنسحبت كل معالم القوة من وجها..
لأن الكلام هذا مو غريــــــــب عليها واسم هادي يتررد بالمكان..
دخل غازي وتفاجاء من وجود هديل..
كانت أخر مرة التقوا فيها قبل تسعة أيام..لما أعطاها مصحفه..
شوق تكمل وبكل حقد\يقولك وافقي على الشرط وهو لما يرجع السعودية..
راح يبطل الشرط لأنه ممنوع في الدولة..
هديل بصدمة\مــن وين عرفتي كل هذا؟؟
شوق\مرحبا أنا جومانة هههههههههههههههههههههههههههههه
هديل\كـ ييييف جومانة أخت صاحب هادي؟؟
شوق بابتسامة\لا جومانة هي شوق أخت غازي..
غازي بحدة\شـــــــــوق ..
هديل ألتفتت على غازي وهي متأملة في..
متأملة يكذب شوق..لكن هو ماقال شيء..
ما أنكر ولا أثبت..
ظل صامت وهذا يذبح أكثر وأكثر..
هديل قربت منه وهي تهمس بصوت مخنوق..
هديل\أنت؟؟
غازي مارد عليها..مد يده مسك يدها وكان بيطلعها من المكتب..
بس هي سحبت يدها منه بسرعة..
هديل بعدم تصديق\قالت هي جوومانة هي تكذب؟؟
غازي\تعالـي..
هديل تبعد عنه وتردد سؤالها..
مارد ولا رد ولا رد..
ماتحكمت بدموعها..
غصب عنها أنهارت وصرخت..
هديل بصراخ\أخوي مايدري عنــــــــــي..
معقولة هادي مايدري أنا وين..مايدري اني مسجونة هنا..
كنت أتامل فيه..كنت أنتظره يوفي بوعده..
والحين كيف يوفي بوعد هو ماقطعه ولا تعهد فيه..
أخـــــــــوي هادي مايدري..
غازي\ايه مايدري..
حطت يدها على فمها وهي تشهق أكثر..
هديل\هذي جومانة؟؟
غازي\ايه جومانة هي شوق..
هديل\وأنت صاحبه؟؟
غازي\افتراضاً..
دارت بمكانها وهي تناظر فيه وفي شوق..
ماهي مصدقة ولا متقبلة الكلام..
تقدمت من أم غازي وجلست على ركبها عندها..
هديل بنــوح\شفتي عيالك وش سوو فيني؟؟
شفتي كيف خدعوني وكيف من أبوي خذوني..
أوهموني بكذبهم..علقوني بسراب..
ليـــش ربيتيهم على القسوة؟؟
وش تعرفيـــن من الأمومة؟؟

صدت أم غازي عنها تخفي دمـــوع ماقدرت تكتمها..
وقفت وهي تهددهم وتصارخ فيهم..
هيل\خلااااص أنا بأرجع لأهلي..بأرجع لهم..
أنتوا ماتخافون الله ماتعرفونه..
ناس مايخفون الله ينخاف منهم..
أنا بأرجع لأمي لأبوي وهلي..
ما أبي أظل معكم ما أبي..
أنا لو فقدت أخوي بأبكي عليه..
بأذكره ومابأنساه..بأرتجي ربي يجمعني واياه بالجنة..
مستحيل أسوي سواتـــكم..
أنتوا مو بشــــر مو بشــــر..

خرجت من المكتب وهي تركض..طلعت من القصر متوجهة للبوابة..
لكن يدينه وثقتها وثبتتها با الأرض..
هديل بصراخ\ابــــــعد يا حقير ياكــــــلب..
الله لايسامحك الله لا يسامحك..
حرمتني من أمي قهرت أبوي..
خذيتني بالظلم والحقد..
قهــــــــرتني الله يقهرك..
غازي يضمها بقــــوة\اهدي خلاااص اهدي..
هديل بصراخ\هـــــــــــــــــــــــــــــــــادي..
هــــــــــــــــــــادي..

03-04-2012, 05:38 AM

البارت الخامس والعشرون..

لماذا أعيش
لماذا أودع يوما وأرقب يوما
ويدفن عام ويولد عام
وما في الحياة جديد
تمر على الليالي
مكفنة بوجوم عميق
تراقص فيه ظلال الملل
سجون مغلفة بالأسى
تسمى حياة
وماذا أريد
مصابي ..أني أجهل ماذا أريد

المرحوم ,,غازي القصيبي ’’’

خرجت من المكتب وهي تركض..طلعت من القصر متوجهة للبوابة..
لكن يدينه وثقتها وثبتتها با الأرض..
هديل بصراخ\ابــــــعد يا حقير ياكــــــلب..
الله لايسامحك الله لا يسامحك..
حرمتني من أمي قهرت أبوي..
خذيتني بالظلم والحقد..
قهــــــــرتني الله يقهرك..
غازي يضمها بقــــوة\اهدي خلاااص اهدي..
هديل بصراخ\هـــــــــــــــــــــــــــــــــادي..
هــــــــــــــــــــادي..
كانت تتحرك بين يدينه تبي تبعد عنه وهي تصرخ فيه..
ماتركها ولا تأثر بضرباتها عليه..
لفت بجسمها وصار ظهرها على صدره..
مشخت يدينه بأظافرها بس ماتركها..
صرخـــــــــــت بقهر ..
وماكانت تنادي الا اسم هـــادي...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

في نفس الوقت في بيت أبوعلي...
كانوا جالسين في الصالة يشاهدون أحد المسلسلات الرمضانية..
مدت عليه غادة بالحلا مع فنجال قهوة..
بس ماقدر يمد يده ويتناول منها..
حس برجفة قويـــة بعظامة..
ضيقة تكتم صدره..ماقدر يتنفس..
وكأن كل الأكسجين ينسحب من حوله..
وقف من غير توازن..
كان يشهق يبي يتنفس..
بس ماقدر..
مشى وهو يترنح يبي يطلع لحديقة البيت..
الكل أنتبهوا عليه بس ماعرفوا اللي يصير فيه..
خرج وراه أبوه واخوانه..
كان جالس على ركبه فك أزارير ثوبه..
قطع فنيلته من أعلاها..
وكأنه باللي يسويه راح يقدر يدخل الهواء لصدره..
أحساس أول مـــرة يحس فيه..
وكأن روحه تنازع..ومستعدة توادع..
حس في أبوه لما سدحه على ظهره وهو يسمي عليه..
اخوانه كانوا يصارخون عليه يبونه يتكلم معهم..
دموعه من دون شعور منه صارت تنزل بحرارة..
سعل بشكل متكرر وحس بطعم الدم في حلقه..
أبوعلي\بسم الله عليك..هادي ياولدي وش فيك؟؟
وش اللي صاير لك؟؟
علي\يوبه وجهه ل القبلة..لقنه الشهادة يوبه..
أبوعلي ناظر في ولده علي بصدمة..معقولة ولدي يودع..
حانت ساعة الموت..
محمد وصل عندهم وهو يركض بعد مامنع غادة من الخروج وراهم..
صب كاس ماء على وجه هادي..
كانت ردت فعله شهقة قويـــــة ومن بعدها رجوع الهواء لرئتيه..
أبوعلي\ايه ايه تنفس يا أبوووك تنفس..
هادي حط يده على قلبه..ويحس بخفقان شديد..
علي\لازم نوديه المستشفى يوبه يمكن القلب فيه شيء..
دخل علي ومحمد البيت بسرعة عشان يودون أخوهم المستشفى..
هادي\يو..به
أبوعلي\لبيه يا هادي..
هادي\وش اللي صار فيني؟؟..
أبوعلي\أنت وش تحس فيه..وين الوجع في قلبك؟؟
هادي\في روحي..أول مرة أحس بها الضيقة..آآآهـ وكأني مخنوووق..
أبوعلي\سلامتك مابه شر..
هادي\روحي ماعادت تبيني..وش اللي صار فيني يوبه..
أحس بأحد يناديني..أحس أنها هديـــل والله هديل..
نزلت دموعه من الشوق..ومن احساسه فيها..

أرتخت يدين أبوعلي من سمع أسمها..
هذا منها..تناديــك..حسيت فيها تناديك..
وش اللي هي تقوووله..
تناديك تبي فزعة..ولا تناديك شوق..
حسيت بتوئمك..حسيت بروح أبوها..
وش اللي صايرن فيك يا أكبر ذنوبي؟؟
محتاجة أخوك..محتاجتن هلك..
رفع راسه ل السماء ودموع القهر بعيونه مرسومة..
أبوعلي\اللهم رحمتك يا أرحم الراحمين..
علي شال أخوه وركبه السيارة..
ومحمد كان ساند أبوهـ اللي مغمض عيونه..
علي يمسك يد أبوه\يوبه وش فيك؟؟
أبوعلي\مافيني شيء..أخوك اهتم فيه..
محمد\تعال نوديك الدكتور يمكن الضغط انخفض عندك..
أبوعلي يبعد عنهم وتوجه لبيته\مافيني شيء..وداعة الله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

03-04-2012, 05:39 AM

تعتبت من البكاء والصراخ..
ضربته مشخته رفسته بأرجولها..
بس كان أقوى منــها بكثير..
ماتأثر بضرباتها المفزوعة..
ولاصرخاتها المتكررة..
هدأت مقاومتها له..
وأستسلمت لأسرها بين يدينه..
هديل بصوت مبحوح\وش مخبي بعد؟؟
وش سويت فيني أكثر؟؟كم طعنة بعدك مخبيها؟؟
مارد عليها..وقف وشالها عن الأرض..
خبت وجها في صدره وهي تبكي..
دخلها غرفتها نيمها على السرير..
حاولت توقف بس هو ماسمح لها..
جلس جنبها وثبتها على فراشها..
كانت تشهق بصوت عالي وكأن الهواء ماله وجود..
غمضت عيونها بقوووة وشهقت أكثر ..
لما سمعت القرآن الكريم بصوت الشيخ السديس..
من جوال غازي..اللي شغله وحطه جنب رأسها..
عضت على شفايفها ودموعها ماوقفت حتى وهي مغمضة عيونها..
أرتجفت غصب عنها بسبب كتمها لشهقاتها..
حست فيه يلحفها بمفرشها ويقرب منها أكثر..
لكن ماأثار قربه منها أي من حقدها وخجلها..
لأن روحها الملكومة كانت تناجي الله بصمت..
وهي تستمع الى أطهر وأعذب الكلام..
بصوت يشرح القلب..أيمان يهدىء النفوووس..
والأهم كلمات العزيز الجليل تنساب لأقصى الروح..

يقولون بأنه لايوجد دواء للحزن..
أوليس كلام الله دواءً ومواسياً..؟؟
أوليس كلام الله مخففاً للهم والكروب؟؟
ألا بذكر الله تطمئن القلوب..
كان هذا علاجاً كافياً لقلب أسير..
يحمل شوقاً وحزناً كبيراً..
قلباً مزقه اليأس والحرمان..

هدأت نفسها وخفت الشهقات لحتى أختفت..
مع انتهاء السورة الكريمة..
فتحت عيونها وشافته يناظرها..
كانت نظرات الشفقة والرحمة..
هديل\ماكنت اعرف وش معنى كلامهم لما يقولون..
يقتل القتيل ويمشي بجنازته..
أنت خير مثال لهذا الكلام..
غازي\ماكنت أبيك تدرين...مو خوف منك..
الا خوف عليك..
هديل\لو حلفتك بالله العظيم..
تعلمني وش مخبي علي أكثر من كذا..
غازي\رسل..
هديل بغصة\الله يأخذ رسل ويحرق قلبك عليها<<هديل تقصد نفسها بها الدعوة..
غازي\الله خذاها من زمان..
هديل\لا بعدها موجودة قدامك..ماخذاها منهو أرحم فيها منك..
غازي\تبين تموتين مثل رسل..
هديل\ما ألومها لو ماتت من يعيش معك مايخلصه الا الموت..
غازي\بس كنت أحبها وهي تحبني..
هديل\غبية ماكانت تعرفك صح..
غازي\لاتسبوا الأموات..
هديل\وتفتكر أني ممكن أصيرمثل رسل؟؟
غازي\لا ما أبيك تصيري رسل..
لأنك لو فكرتي تصيري مثلها ماراح أسمحلك..
هديل\ولأنه مايشرف..
غازي\لاتغلطي عليها..
هديل\عساها حرقة بقلبك لآخر يوم بعمرك..
غازي\بتظل حرقة من دون وصاتك..
مافيه أحد يقدر ينسى ضناهـ ..
هديل بعدم تصديق\ضناك؟؟
غازي\رسل بنتي..
هديل أنفجعت من كلمته ومن تصريحه..
رسل تصير بنته..
وبنته ميته الله يرحمها..
هديل\بنتك..؟؟
غازي\ايه بنتي توفت من ثلاث سنوات..
هديل\الله يرحمها..
طال الصمت..
وكل منهم أبعد بتفكيره عن الثاني..
بس هديل قطعت الصمت باللي كان يدور في بالها..
هديل بعبرة\ليش سميت وحدة مجرمة وقاتلة جارية عندك سميتها باسم بنتك؟؟
غازي\لي أسبابي..وهذي الأوصاف ماهي أوصافك..
هديل بقهر\ليـــش سميتني باسم بنتك؟؟
غازي\لأني كنت أريد أحيي الاسم من جديد..
كنت أريد أنادي اسم بنتي..
ولأني فقدت بنتي وأنتي فقدتي أبوك..
صرنا نشبه بعض..
هديل بدموع\لا مانشبه بعض..
أنت بنتك ماتت وأنا أبوي حي..
مانشبــــــــه بعض أبداً..
غازي بحدة\لا فيــــه شبه..
بنتي ماتت وأنتي يابنت أبوك ميته..
هديل\ما أموت دامني دين في رقبته..
ماأموت وهو بيقابل فيني رب العباد..
ما اموت والغالي يدورني بكل مكان..
غازي\أنتي بتذبحي نفسك بأوهامك..
هديل ضربته على كتفه وقامت من على السرير..
هديل\خلني أذبح نفسي..
اهون من طعناتك وغدرك يا الخاين..
غازي\خاين؟؟
هديل\ايه خاين وحقير..ولا اللي يسوي سواتك وش يسمونه..
نـــــذل وغشـــاش..تطعن بالظهر..
خدعتني لما أرسلتلي كلب الحراسة أختك..
خدعتني أنت واياها..
الله ينتقم منكم..
وقف وتوجه لها..كتف يديها وحط كفه على فمها..
غازي\خفي من دعاويك ترانا برمضان..
هديل تحاول تفك نفسها عنه بس ماقدرت..
داست بأرجولها على رجله...
رماها على سريرها وهو يصرخ عليها..
غازي\أصحي على حالك..
أنتي مو بزر لازم تفهمي ماعاد لك أهل..
أنتي مالك غيري..ومهما صارختي وعاندتي ..
في النهاية بترضين..ما ابيك ترضين وأنتي محطمة..
بتكملي سنة وأنت تفكري فيهم وتطرينهم..
وهم مادروا عنــــك..اصحـــــــــــــــــي..
هديل بصراخ\لا ولا ألف مرة..
مابرضى ومابأصدقك..أنت مجنون مريــــض..
معقـــــــد..تبيني أنسى أهلي وأظل طول عمري أسيرتك..
مستحــــيل..أبوي وهادي وأخواني بيجون وبياخذوني منك..
بيرجعوني لأنهم أهلي..وانتوا الحقد بياكل قلوبكم بتموتوا من القهر..
لأنك ماربحت شيء.ما أنتقمت لأخوك ولا قهرت هلي..
بأرجع لهم وأنت الخسراااااااااااان..
بنظرات غضب تقدم منها مسك ذراعها بقوة وهزها بعنف..
غازي\أجل ماربحت شيء؟؟
هديل بكره\ماربحت الا الخساير..
غازي بغضب\قلتلك أشتري سلامتك بس انتي ماتفهمين..
لف يدينه حوالينها وقربها منه..وهي كانت تضربه وتصرخ فيه..
حست بقبلاته على وجها بس كانت تقاومه بشدة..
حاولت تبعد وجهه من رقبتها بس ماقدرت..
تملكها الرعب والرجفة..
سبته شتمته..نادت امها وأبوها..
حفرت أظافرها فيه..
صرخت بأعلــــــــى صوتها لما حست فيه يشيلها من الأرض..
ويسدحها على سريرها وهو قريب منها..
.....\غازي أتركها..
صرخت هديل\يومــــــــــــــــــه..
أم غازي\وعزة الله عليك تتركها..
هديل تبكي\أبعديه عني تكفييين خليه يتركني..
غازي يهمس بأذونها\المرة الجاية ماأحد بينقذك مني يا جاريتي..
تركها وهي تبكي ولامة نفسها بيدينها..
خرج من الملحق وأمه ظلت واقفة تناظر في هديل..
هديل بخوف\رجعوني لهلي..حـــرام عليكم رجعوني...
أم غازي\لاتثيري أعصابه عليك..
هديل تبكي\تكفييين تكفييين رجعيني لهلي..
ولدك ماهو بصاحي مجنوون..
أم غازي\هذا نصيبك..
هديل\تصيبونه بمصيبة وتقولون نصيبه..
وين بتروحون من الله..؟؟
أم غازي\مهما صار تذكري أنك ملكه..
هديل برعب\أنتي ماتخافي على ولدك..
ماتخافي ربي يعاقبه على الحرام..
اذا ماتبين تبعدينه عني عشاني..
بعديه عشان نفسه..ربي بيغضب عليه..
والله بيغضب عليه..

خرجت أم غازي من دون ماترد عليها..
ظلت بمكانها مرعوبة وتسترجع الموقف الأخير بينهم..
هزها الخوف على نفسها..
وقفت بسرعة وركضت تقفل الأبواب عليها..
تسبحت وفركت رقبتها ووجها بقسوة من بقايا أثاره عليها..
كانت تبكي وهي تتوهم وجوده جنبها..
صلت الفجر وقرئت القرآن وهي ترجف..
اللهم أحرسني بعينك اللتي لا تنام..
غفت على كوابيس تصحى منها مفزوعة..
وهي تصرخ منادية على أمها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سارة بطفش\انا لله وانا اليه راجعون..يابنت أتعبتيني معك..
أختاري وخلصيني..
غادة\جب ولا كلمة..لاتنسين أن أنا مزاعلتك..
سارة\مزاعلتني وطالبتني أتسوق معك..
غادة\من القرادة ماعندي أخت تعلمني حركات الحريم قليلات الأدب..
سارة بدلع\وه يالحريم قليلات الأدب..انطمي وخذي هذا الفستان روووعة..
الفستان أعجب غادة\وعععع أخذ هالزين عشان رويكن يهبى..
خليه يمكن تاخذه وحدة غيري ويكون زوجها يستاهل..
سارة\أنتوا مو صاحين أنتي واياه مهبل نعنبوا مابقى على العيد الا ثلاث أيام
وعلى زواجكم اسبوع..
غادة\صدقتي هو مهبل..
سارة\زعلانة منه؟؟
غادة\وهو يطووول أصلاً..
حبيبتي مافيه أحد يستاهل أني أزعل عشانه..
ياليت تبلغينه..
سارة\بصراحة معك حق تزعلين..
غادة\قلتلك تراه مايسوى..
سارة\تعالي نجلس في الكوفي ونتفاهم..
غادة بسخرية\لا أخاف ابليس يوزني وأروح أرقم القهوجي..
سارة\هههههههههههه لساتك مصرة على القهوجي..
غادة\ترى مليت وابى أرجع البيت..
سارة\غادة مايصير تتزوجين وحالتكم كذا..
غادة\أنتي وأخوك اللي جنيتوا على أنفسكم..
سارة\ما أنكر اني تدخلت بينكم..بس راكان بجد يبيك..
غادة بحدة\يبيني ولاعنن خيري..يبيني ولا ألقى منه الا التأفف والكلام السم..
سارة\لاتظلمينه أول مرة يتكلم معك اليوم..
وماتكلم الا من غيرته عليك..
طلعوا من المحل وصاروا يتمشون بالاسواق..
غادة\سارة لانلعب على بعض..وترى مو أول مرة ينافخ علي..
سارة\ليش وش صار من قبل اليوم..
غادة\اللي صار اليوم يكفي..حتى نظراته كرهتني فيه..
سارة\أنا ما ادافع عنه..صح ماله حق يصارخ عليك..
لأنه الى الآن ماملك عليك..
غادة\ماهمني صراخه كثر ماهمني الكلام اللي قاله..
سارة\طيب هو تفكيره كذا..
غادة\بالله شوفي عباتي مخصره مثل ماقال..
ولا مطرزة ومسوية حفلة..جزمتي شوفيها فلات..
سارة\هذا وعباتك راس أجل لو كتف مثلي وش يقول..؟؟
غادة\ماعندك فرصة على طول شمتي باخوك..
سارة\لان مامعه حق..
غادة\سارة قوليله أني ما ابيه..
راكان بغضب\أجل من تبين يا...بنت العم..
يكون بعلمك لوما هديل ماخذيتك..
غادة كملت طريقها ولا ردت عليه..شيء هي متوقعته ولا أحد أقنعها بالعكس..
راكان يحب هديل ويبي يتزوجها كبدل..
سارة تفاجئت من تواجده قريب منهم..ومن كلامه..
سارة بغضب\أنت وش سالفتك؟؟وش ناوي عليه؟؟
راكان\بنت عمك من تبي؟؟
سارة بعصبية\راكان واللي يرحم والديك اترك البنت في حالها..
كفاية كلامك..
راكان\هي وين رايحة لحالها ويـــن؟؟
سارة\راكان أنت وش صاير فيك..لايكون تراقب غادة؟؟
راكان\طسي وراها حسابكم في البيت..
سارة عصبت عليه وراحت تدور على غادة..
شافتها على الدرج المتحرك نازلة..راحت وراها..
وصلتها عند البوابة..
سارة\الله يهديك ياغادة أركض وراك أنا..
غادة\خليني بحالي وروحي مع أخوك..
أنا بأروح مع علي هذا هو واقف عند الباب..
خرجت من المجمع من دون ماتسمع رد سارة عليها..
ركبت بسيارة أخوها ودموعها حاجبة الروية عندها..
غادة وهي تبكي\أخر مرة أقولك ولد عمك هذا ما أبيه..
مجنون يراقبني بكل مكان..باينة شكوكة من كلامه وتصرفاته..
ما أبيـــــــــــه..بيت شيبتي ماهو بعاجزن عني يومه طالبني لاحتقاري..
تراه مايبيني الا بدل لهديل الله يرحمها..
تراني بذمتك يا أخوي بذمتك لاتخليه يقهرني حلفتك وحن رمضان..
والله ما أسامحك ولا أحلك..
....يعتزي\أنا أبن أبوي ..والله ما أردك ولا أخليه يقهرك..بس من أنتي بنته؟؟
غادة شهقت بقوة وناظرت بالشخص اللي جنبها..
والمصيبة هذا مو علي أخوها ولا تعرفه..
فتحت الباب ونزلت من السيارة بسرعة توجهت للمجمع بس يد مسكت على يدها بقوة..
ألتفتت برعب وكان علي هو اللي ماسكها..
علي\فضحتيني يالهبلاء..هذي سيارتي الثانية..
ظلت غادة مبحلقة في وجه علي..تبي تتأكد أنه اخوها..
ولما تأكدت ركبت السيارة وهي ترجف..
علي\هههههههه أعذرنا هذي ثاني مرة تصير مع الأهل مايفرقون بالسيارات..
...\علي؟؟
علي\مالك؟؟
مالك يسلم عليه بخشمه ويحضنه..
علي\يا الله ان تحييه وينك يا ابن الحلال لا خبر ولا علم عنك..
مالك\الله يحييك ويبقيك..عساك طيب؟؟
علي\الحمدلله يسرك الحال..طمني عنك وعن الأهل..
مالك\الحمدلله كلنا بخير من رب العالمين..
علي\متى رجعت الرياض؟؟
مالك\من بداية الشهر الكريم وأنا هنا..
جايب الأهل يتسووقون للعيد..
علي\أجل والله أن تسروون معي وسحوركم عندي..
مالك\يارجال صل على النبي ولا تحلف..مابينا هذا الكلام..
علي\والله أن تقول تم..
مالك\مشغولين ياأبو عبدالله خلها بيوم ثاني..
علي\أبدن الليلة اتصل على هلك واستعجلهم والله ان سحوركم عندي..
مالك\يامال النشبة على خبري بك نشبة ..
علي\هههههههههههههه تستاهل يا أبو حمد كل خير..
مالك\الله يعافيك..طيب بعدكم على نفس العنوان؟؟
علي\ماتعرف الا شوارع أمريكا..أمش وراي وأنا أدلك..
مالك\عاد الوالدة ألحين بتسوي موشح وانت تحمل..
علي\ولا يهمك أتحمل المهم نكسب شوفتكم..
أتصل مالك على هله وأستعجلهم..
وبعدها مشوا ورى علي لبيته..

غادة طوول الوقت كانت ترجف من الخوف..
المصيبة أنه طلع يعرف أخوي ولا جاي ورانا يتسحر عندنا ياسلاااااام..
عاد ماغلطت الا بسيارة خوي أخوي..
لعلك الماحي ياراكان ماخليت فيني نظر..
ياويييلي ليتني ماتكلمت ولا قلت كلمة..
صادقة جدتي اني غبراء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

03-04-2012, 05:40 AM

بقى ثلاث أيام ع العيد من أخر موقف صار بينهم..
ماطلعت من الملحق ولا تجرئت تقرب القصر..
حتى الاسطبلات مازارتها..
ماكانت تشوف الا ماريا..
لماتجيها بافطار ولا بالسحور..
ماكان لها نفس لا لأكل ولا شرب..
ولو ماخوفها من رب العالمين ولا ظلت صايمة على طووول..
وكيف بأقضي العيد..
معقولة جاء العيد وأنا وحدي..

...

لماذا أتيت يا عيد..؟؟
من يستبشر بك..ومن يفرح بقدومك..
لا أريدك أن تأتي وأنا هنا..
كيف أقضيك بلا أم وأب..
لا أريد لــ آسري أي ذكرى معي..
فلتطل غيابك ياعيد..
فأنا كـ اليتامى..
كم تغنوا بأغانيك الجريحة..
وتمنوا رؤية الأحلام الكسيرة..
لا تأتي ياعيــــــــــــــــــــد ..
فأنا لازلت أسيرة ’’’
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛

تردد صوت محمد بأذونها..لما تمصخر على شكلها..
محمد\بالله هذا شكل عروس..وجهك منفووخ من البكاء..
مدري وش تحسين فيه..
طنشته ودخلت غرفة جدتها..انتظرتها لحتى خلصت صلاتها..
جلست جنب سجادتها..
سلمت الجدة واستغفرت ودعت الله يتقبل منهم الصيام..
ويبلغهم الجنة..
الجدة\أعلنوا العيد يومه؟؟
غادة بغصة\ايه يومه بكره العيد..
الجدة حضنت غادة\عيدك مبارك يا العروس..
غادة بكت بحضن جدتها وهي تشهق..
الجدة\لا اله الا الله..وشله البكي ألحين..
كل ماقلنا لك عروس بكيتي..
غادة\تكفيـــــن يومه دبريني..
الجدة\بسم الله عليك..وش فيك يا غادة؟؟
وش صايرلك؟؟
غادة\ما أبي راكان يومـــه ما أبيه..
الجدة بعصبية\وليه ماتبينه؟؟وش شايفة عليه.؟؟
غادة\قولي لأبوي أني ما ابي راكان..
الجدة\وراكان وش مسوي؟؟
غادة\ماسوى شيء بس ما أبيـــــه والله ما أبيـــه..
الجدة\قومي اطلعي من غرفتي يابنت..
هذا خوف من العرس ما أنتي أول وحدة تعرس..
غادة\لا ماهو خوف من العرس..راكان ماهو بنصيبي..
ماني مرتاحة له..
الجدة\الخلا..
خرجت غادة من غرفة جدتها وهي تبكي قابلت أبوها..
ماكلمته طلعت لغرفتها وقفلت عليها..
ليش مايحسون..الرجال ماهو بطبيعي..
نظراته كلامه كل شيء يدل أنه مايبيني..
بعده عايش على ذكرى هديل..
يانـــــاس يبي أختي مايبيني..
والله أن خاطري منه طاب..
وش ها العيد اللي مدري وش وراه..
يارب رحمتك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
بعد السؤاااال ؟؟؟

أنت تبكي ؟؟؟

أنا لا أبكي ...

فقد جفت دموعي ...

في لهيب الحرية ...

إنها منسكبة !!!

هذه ليست دموعي !!!

بل دمائي الشائبه ...

الهالـــه,,

كان جالس بمكتبه توه واصل من المدينة مع أمه وأخواته..
ويحط أخر اللمسات على المشروع اللي ناوي يسويه مكان كروم العنب..
سمع الباب يندق سمح بالدخول على باله ماريا..
دخلت بخطوات مترددة..كانت شادة على يد الباب بقوة..
سمت بالله تقدمت خطوتين ثم قفلت الباب..
مشت بهدوء ووقفت قريب من مكتبه..
رفع رأسه وبانت الصدمة على ملامحه من شوفتها قدامه..
ماكان متوقع أبداً يشوفها بعد اللي سواه فيها..
أكثر من 16 يوم مالمحها..
حابسة نفسها بغرفتها طول هالفترة..
مايلحقها لوووم..الي صار ماهو شوي..
غازي بصدق\عاش من شافك..كيفك؟؟
ماردت عليه وركزت عيونها على يدينها..
غازي\اجلسي..
جلست وهي تحس بعظامها تضرب في بعض من الخوف..
كانت ناوية تتكلم لكن الخوف ألجم لسانها..
طال الصمت..وهو احترم هالشيء..
تركها على راحتها متى ماقدرت تتكلم راح تتكلم..
هي منزلة راسها..
وهو مركز نظره عليها..
يراقب كل حركة تسويها..
لاحظ أصابع يدينها اللي صارت حمراء من فركها لها..
رفعت راسها وجت عينها بعيونه..
نزلت راسها بسرعة قررت ماتتكلم وتطلع من المكان..
لكن الحنيـــــــــــــن كان أقوى من العقل..
هديل بصوت خافت\بكرهـ العيد..
غازي يبتسم\ايه أعلنت المملكة بكره العيد..
كل عام وأنتي بخير..
هديل ماردت عليه تحاول تكتم العبرة اللي تحرق روحها..
رفعت عيونها تناظر فوق تمنع دموعها من التمرد..
نزلت دمعة ومسحتها بسرعة..
هديل\أ..أريـد أكلم أمي..
هز رأسه بالنفي\لا..
هديل بشهقة مخنوقة\بـ بــ ـس ببكره العيد..
غازي\لا..
هديل بصوت باكي\مــا بــأطول والله شوي وأقفل..
ما راح أقولهم شيء..أصلاً أنا ما أعرف ويني..
ولا أعرف البلاد هذي وش تكون..
غازي\لاتحاولي قلت لا..
هديل\أول مرة أطلبك ما أطلبك مرة ثانية والله..
غازي بهدوء\أطلبي كل شيء الا الماضي لاتطرينه..
هديل بحسرة\وما أبى الا الماضي..
أريد أكلم أمي أبى أسمع صوتها وأتطمن عليها..
أريـــد أمي..
غازي\أنا أمك وأنا هلك..
هديل\ليــش أمك معك وأنا لا..؟؟
ليــــش تعيش العيد مع أهلك وأنا لوحدي؟؟
غازي\أنتي مو لوحدك..أنا معك..
هديل\ما أبيييك أبي أمي..
غازي\انسي الموضوع..لاترهقي نفسك..
هديل مخنوقة\بس بكره العيــــــــــــــــــــــــــــد..
وكأنها لو كررت المعلومة قد تغير في قرار الجلمــــود شيئاً..
غازي\بيكون صعب لأنه أول عيد..
لكن راح تتعودين..قدرتي على شهر رمضان..
وراح تقدري ع العيد..
هديل بعجز\وهو بيكون فيه عيد ثاني؟؟
غازي\ان شاء الله الحياة قدامنا..
وقفت بتعب وهو وقف معها..
مشت باتجاه الباب بس لفت عليه..
هديل وهي تبكي\كنت أدري أنك راح ترفض..
بس كان عندي أمل غبي..
مادمت ماراح أعيد مع أهلي..
فراح أخلي العيـــد لهله..

كيف راح تقضي هديل العيـــــــــد..؟؟

03-04-2012, 05:41 AM

البارت السادس والعشرون ...

أوَ تدرين لماذا

كلما قربنا الشوق نما ما بيننا

ظل جدار؟

ولماذا

كلما طار بنا الحلم أعادتنا

إلى الأرض أعاصير الغبار؟

ولماذا

كلما حركنا الشعر غزانا النثر

فالألفاظ فحم دون نار؟

أوَ تدرين؟

لأن القلب ما عاد كما كان

بريئا

طيبا كالنبع.. كالفكرة.. في الليل

جريئا

عاد يشكو تعب الرحلة ما بين

الموانئ السود في هوج البحار

المرحوم غازي القصيبي...

هي فرحة العيــــــــــد رغم الحزن الخفي..
رغم شعور الفقدان المريــــر..
لازال يحق لهم الشعور بسعادة العيــد..
ولو كانت تلك السعادة مجرد وهم..
فليتم أخفاء الحنيــــن والشوق..
لمن يسكنون تحت التراب..
ومواساة من هم يناجون أؤلائك الراحلون..
لا بأس في الضحك وقلبك يبكي..
فلأجل أحبتك ستضحي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماسك برواز الصورة مستغرب من نفسه..
كل مرة أشوفها تشبهني..
بس اليوم ليش متغيرة..نفس الصورة ونفس الوجه..
لكن فيه شيء متغير..
ترك البرواز وتوجه للمراية وظل يناظر بملامحه..
أختلف عنك كثيــــر ما أشوفك الا بعيوني..
مد يده على أغراضها الخاصة فيها على التسريحة..
مسك عطرها بخ منه وشم الريحة بعمق..
من يتعطر بعطرك..ويمشط شعره بمشطك..
ملابسك من تناسب من بعدك..
أقلامك أوراقك..
رسوماتك بدون ألوان تركتيها..
خواطرك مالها نهاية..
ذكرياتي معك للماضي نسبتيها..

جلس على سريرها وحضن وسادتها..
قالوا عيد ياهديل..
ثاني عيد أقضيه من دونك..
كنت بمنفى وهارب..
رجعت وأنتي في منفى كئيب..
تصدقين ياروحي..
أحس بالنقص والحرمان..
شيء غريب يحز بنفسي ..
لحظات تخنقني العبرة ولا أدري ليـــش..
ما أفكر الا فيك..؟؟

خرج من الغرفة قفلها وأخذ المفتاح معه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

كل العائلة كانت مجتمعة في الصالة..
بعد رجوع الرجال من المسجد لصلاة العيد..

الجدة\عيدك مبارك يا أبوي..عيدكم مبارك ياعيال..
أبو علي\الله يبارك لنا ولكم..عيدكم مبارك..
أم علي بصوت مبحوح\عساكم من عواده ان شاء الله..
غادة بخفوت\عيدكم مبارك..
الكل رد عليها..وعلقوا على قرب موعد زواجها من راكان..
نزلت راسها بزعل من الموضوع ولا تكلمت..
الجدة\الله يصبرنا على فراق رمضان ويبارك لنا في العيد..
محمد\ياحبني للعيد يجي وأنا نحيـــف..
علي\يا الكذوووب شف كرشك..
أم علي\لاتنظل أخوك قول ماشاء الله..
محمد\أفا يومه تشوفين معي كرش؟؟
غادة\استمر على جدولك ولا راح تسمن بزيادة..
أبوعلي\بنطلع مع عمك الليلة للاستراحة..
أم علي\مافيه وقت ياحسين..بعد ثلاث أيام زواج بنتك..
ابوعلي\مافيه مشكلة نتعشاء هناك وبعدها نرجع..
غادة\بس أنا مابأروح معكم..
أم علي\وأنا بأظل معك..
الجدة\لا يأم علي أنتي روحي وأنا بأجلس معها..مالي نفس في الطلعة..
أم علي\وأنا والله مالي خاطر اطلع..
غادة تهمس لامها وجدتها\بزر انا تجلسون معي..أنا عروس عيب أطلع أستحي..
أنتوا روحوا ولاتطولون علي..
الجدة\يا الغبراء قالت تستحي..
غادة\مايعجبك كلامي عسولة هادي..؟؟
الجدة\الا وينه هادي ما اشوفه؟؟
محمد\طلع غرفته بيجي ألحين..
هادي\يابعد هادي وهذاني جيت..
جلس جنب جدته وهو يسلم عليها ويعايدها مرة ثانية..
رفع رأسه وشاف نظراتهم كلهم عليه..
أبتسم رغم الأسى الشوق اللي في قلبه..
عذبوني مثل ماعذبتوها في غيابي..
شوفوها فيني كما شفتوني فيها..
أطعنوني بنظرات الحسرة عليها مثل ماطعنتوها بحسرتي..

عبدالله دخل يركض ورمى ثوبه على غادة وينط عند أبوعلي..
عبدالله\يوبه ترضى يقولون عني ولد البخيل؟؟
أبو علي\يعقبون من اللي يقوله؟؟
عبدالله\عيال الجيران يقولون اني ولد ولدك البخيل..
علي\منهو أبوك يالثور؟؟
عبدالله\أنت..ماهو أنت أبوي؟؟
محمد\بلى أعتقد انه أبوك..
هادي\أنت دائما تسال هذا السؤال لأبوك خبل..
الجدة\عبدالله توني عطيتك العيدية..
عبدالله\ياجدة أبوي..أبوي مايعطيني..
علي\توني معطيك من يومين لاتكذب..
عبدالله\كلها خمسين ريال لا تمن علي فيهم..
أيام عيد لازم ألعاب نارية وطراطيع..
علي\شوفوا المقرووود ماهي عاجبتك الخمسين..؟؟
عبدالله\تدري أنا بأخذ من الجد عبدالعزيز مابيقصر بيعطيني اللي فيها صورته..
الكل ضحك على عبدالله ومغايضة لابوه..
علي\ههههههههههه يعني انا طلعت الملك عبدالله وأبوي الملك عبدالعزيز..
عبدالله يناظر جده باستعطاف\لا أنا عبدالله لبى عبدالعزيز..بس وش فيه مايطلع بوكه؟؟
أبوعلي\ههههههههههههههه بيطلع البوك لكن ما أضمنك يالسروووق..
محمد\عبيد اذا طلع البوك خذه وانحاش..
عبدالله\لاتوصي جاهز ل الشردة..
ابوعلي\هههههههههههههههههه تبي تسرقني ياورع؟؟
عبدالله\من اللي قال هذا الكلام؟؟
حنان بوصت هادي\عمي لاتعطيه تراهـ يلعب عليك معه فلوس..
عبدالله\بالله يوبه شفت أم ماتحب لعيالها الخير هذي أمي..
أبوعلي يمزع أذون عبدالله\عيب تقول عن أمك ها الكلام..
عبدالله\آي آي جدي لاتضربني قدام الحريم تطيح شخصيتي..خصوصاً قدام غادة الوغدة..
محمد\اكسرني ياشخصيتي هههههههههههههههههه
غادة معصبة\يامال البط ياعبيد كم مرة قلتلك لاتقول وغدة..
عبدالله\قلتيلي كثير بس أنا ما اسمع الكلام..
محمد\غادة هذا أبو شخصية وخري عنه..
عبدالله بخبث\عمي الدوب ماتبى طراطيع..؟؟
محمد\والله ياعبيد اتوطى في بطنك لاتعيد حركاتك الغبية..
علي\هههههههههههه قرناس ولد صقر طالع لأبوهـ..
محمد\هههههههههههههه اسكت أنت والله لو ما طلبتني أم عبدالله أسامحه..
والا كان مدري وش سويت فيه من الغيض..
غادة\ههههههههههه تقصد لما أشعلها عند راسك وأنت نايم..
هادي\هههههههههههه الى الحين تذكر؟؟
محمد\كنت بأموت من الرعب..حسبت الحرب قامت ولا شيء..
ماطرى لي طراطيع المهبوول هذا..
عبدالله\مشكلتك يالدوب أنك ناعم يعننك حساس..
محمد\أنت كفو كلامك تعال هنا..
عبدالله يتمسك بجده\اللي يبيني يجيني..
قام محمد من مكانه بسرعة..وعبدالله نط ورى جده وهو يصارخ..
عبدالله\يوبه بياكلني الدوب يحسبني خروف العشاء هههههههههههه..
محمد\نعنبوا غيرك يالورع ماتتوب..ابعد يوبه خلني أمطه شوي ذا القزم..
ابوعلي يضحك عليهم ويحاول يفك بينهم..
عبدالله\عادي قزم وضعيف..ماني دوووب وقزم هههههههههههههههه
مع كل تعليق كان يقوله عبدالله كانوا يضحكون على محمد..
محمد\ضحكتهم علي يالنتفة..طيب ما اكون محمد..
ان ماجيت تترجاني عشان الطراطيع اللي اشتريتها لك امس..
عبدالله يكلم جده\لو سمحت يا عبدالعزيز أبي أتمصلح عند الأمير سلطان..
سلطان وقف لبى السلاطين..
محمد يشوته\ولاتقرب مني ياورع..
علي\هههههههههههههههه الله يصلحك وأنا ماني من الملوك..؟؟
عبدالله\أبوك ماسماك باسم الملك أنا وش دخلني..
علي\يعني محمد باسم سلطان؟؟
عبدالله\يوبه انت وش عرفك بالتاريخ محمد يعني سلطان..
غادة\ههههههههههههههههه والله الصبي خارب وهو صغير وش يسوي لما يكبر..؟؟
عبدالله\مايفهمني الا غادة الوغدة..
غادة\انقلع يا ولد امك..
كلهم ضحكوا عليها..
تبسمت نبع الحنــــــــــان ومسحت دمعة مريرة..وهذي كانت أم علي,,

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اتحرى العيد اكثر من طفل
واتعذر فيك لأجل اسأل عليك

واسرق اللحظات منك بالعجل
فيها اباركلك وابارك عمري فيك

ينتهي عيدي وتوه ماكتمل
يوم ماتسحب من ايديني يديك

لوهزمت الخوف يهزمني الخجل
ماقدر اهمس انتظر لحظة ابيك

لين ضاعت فرصتي دمعي انهمل
كيف تخذلني وانا اللي محتريك

كنت ابي قربك لكن ماحصل
وانتظر لعيدي الثاني واجيك

نزلت المفرش من على عيونها المورمة من البكاء..
من بعد الليلة الماضية وهي مقررة تقضي يوم العيد..
تحت الفراش وفي الظلام..
بمعنى أدق تقضيه نائمة رافضة أن تعيش هذا اليوم لوحدها..
حتى لما صلت صلاة العيد لوحدها بكــــــت بشوق ل الصلاة مع أهلها..
تكلمت بصوت خافت وباكي مع العيـــد وكأنه يسمعها..
وش حاجتي فيك ياعيد..الخلق يفرحون فيك..
ماينقهرون وينظامون..حتى بالحلم محرومة منهم..
صعب علي ألقاهم حتى في الحلم..
غزى أحلامي ونومي..ماعاد يفارقني لابصحوتي ولا غفوتي..
أماضرب أو صراخ أو أنه<لمت يدينها حواليها>أو أنه يــ لمسني و و......
غمضت عيونها بسرعة تطرد اللي مر في بالها من ذكرى لأحلامها..

أنتبهت على نور بسيط يدخل من بين الستائر رفعت المفرش عنها..
ونزلت من سريرها توجهت ل الستارة وشدتها أكثر عشان مايدخل النور..
وهي راجعة تعثرت بشيء أستغربت وجوده..
شغلت الابجورة وقربت من الصندوق الموجود بغرفتها..
أول مرة تشوفه تسألت كيف جاء لغرفتها..
ولمن هذا الصندوق..قربت منه جلست على ركبها..
رفعت شعرها من على وجها وفتحت الصندوق..
مدت يدها وطلعت الورقة الموجودة بمقدمة الصندوق..
مكتوب <من صوفي >
ظلت تناظر بالورقة لعدة دقائق وكانها غير مستوعبة..
أو غير مصدقة ان صوفي تذكرها بعد كل هالوقت..
ابتسمت بانكسار..وطلعت اللي بالصندوق..
أول شيء كان قدامها هو بنطلون جينز مطرز على الفخذ طرز خفيف..
بدي باكسسوارات حول الرقبة يميل للون السكري الراهي..
جاكيت لحد الخصر شتوي لونه أبيض وعلى حدود رقبته والصدر فروو ناعم وهادي..
فستان ذهبي قصير بمنتهى الروعة بدون أكمام ومن تحت الصدر يوجد كرستالة صغيرة..
حطته عليها وناظرت بالمراية قصير فوق الركبة ضيق من الخصر ..
قلبته بيدينها<<الله يصلحك ياصوفي قلتلك قصير مايناسبني..
طلعت باقي الأغراض وأستغربت لما خرجت حجابين من الصندوق..
واحد باللون البني..والثاني باللون الوردي..
كيف اعترفت صوفي بالحجاب وأرسلت لي حجابات..يمكن ربي هداها وأسلمت..
كان فيه ثلاثة عطورات عرفت مس ديور وجيفنشي لكن الثالث أول مرة تشوفه..
بس ريحته كانت بمنتهى الروعة..
في آخر الصندوق كان فيه الغرض الأخير بس ملفوف بغلاف لوحده..
فكت الغلاف وطلعت اللي فيه..
شهقت بصدمة لما شافت قميـــــــــــــص النوم الأبيض..
ناظرت حواليها بخجل تخاف لايكون فيه احد يشوفها..
كورته بين يديها ورمته في الصندوق وهي ترجف..
لمت الأغراض كلها ورجعتها في الصندوق وقفلته..
حسبي الله عليك يالمنمشة قليلة أدب ماتستحين..
وش ابي في قميض فاصخ..محسبتني متزوجة مثلك يالهبلاء..
لو خليتيها بجايم كان أحسن..
أبتسمت وهي تتخيل شكل صوفي لماتشوفها ترمي القميص باهمال..
رفعت راسها فوق وهمست..
هديل بهمس\أحمدك وأشكرك يارب جبرت بخاطري تذكرتني صوفي..
سبحانك على الصدفة توصلني هداياها يوم العيد..
يارب تهديها وتهدي ماكس ومن مثلهم الى الطريق المستقيم..
سمعت أصوات خارج الملحق..توجهت ل الطاقة..
فتحت الستارة شوي وناظرت من خلف الزجاج العاكس..
كانت شوق ورشا بالحديقة عند باب القصر واقفين عند سيارة كبيرة ذهبية اللون..
وشوي الا خرج غازي مع أمه شايل غازي الصغير..
ركبوا السيارة وغازي عطى الولد لأمه وتوجه لمكان السائق..
وقف شوي وبعدين ألتفت على الملحق وهو لابس نظارته الشمسية..
نزلها من على عيونه وركز نظره عليها..
هديل فزت بمكانها بخوف وقفلت الستارة بسرعة..
مع أنها تدري أنه مستحيل يشوفها من خلال الزجاج..لكن ماتستبعد عنه شيء..
ركضت على فراشها نطت عليه بعجل..
طفت النور وتغطت بالمفرش وأجبرت نفسها على النوم..
مع أن خيالها كان يشتغل..
ويتخيل وناستهم وخروجهم من المزرعة عشان ينبسطون..
الا أن عيونها كانت محرووقة من الدموع وتعبااانة..
وآخر مامر في بالها قبل النوم..
أهلها وهم في الاستراحة الخاصة بعمها..
مثل كل عيد يجتمعون هناك ويقضون يومين في الاستراحة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

03-04-2012, 05:42 AM

ردت الجدة على تلفون البيت وكانت سارة تطلب غادة..
الجدة\غادة تعالي يومه كلمي..
غادة تجلس جنبها\من يبيني؟؟
الجدة\سوير أم القروود..
غادة تكلم\هلا..
سارة\ولا مرحبا..ليش ماجيتي ولا يعنني عروس وأستحي..
غادة\ياعيد عييييد على العرب..
سارة\هههههههههههه عيدك مبارك قلبي..
غادة\من العايدين..كييفك؟؟
سارة\الحمدلله بخير..بس كنت أتمنى أشوفك..
غادة\ما ابى اشوف أحد..
سارة\غدوو أمانة عليك أعتبريني أختك مو أخت راكان..
راكان مضايقك أو مزعلك؟؟
غادة\ومن يكون راكان هذا عشان يضايقني؟؟
سارة\أحلفلك بالله أنه مو صاحي خصوصاً كلامه لك في المول..
غادة\مايهمني لاهو ولا كلامه..بس ياليت يتلاحق على الموضوع وينهيه..
سارة ببطء\مافهمت..
غادة\الموضوع الفاشل اللي باقي عليه ثلاث أيام ينهيه بكرامته..
أو أنهيه أنا غصب عليه..
سارة مرعوبة\غادة صلي على النبي وش هالكلام؟؟
غادة\شوفي ياسارة أنا مو كارهة نفسي أعيش مع أنسان متخلف مثل أخوك..
أشوف الشك بعيووونه..ولا يحسبني غافلة عن تصرفاته ومراقبته لي..
أبوي ماهو عاجزن عني..وأخوك ماله فضلن علي..
سارة\يابنت اذكري الله..هذا الكلام ماينفع ألحين زواجك بعد يومين..
غادة\بعدنا على البر ومايربطني فيه شيء الى الآن الا انه ولد عمي..
سارة\اسمعي وأنا راجعة راح أنزل في بيتكم وانام عندك ونتفاهم..
غادة\نتفاهم؟؟مافيه شيء نتفاهم عليه..
قولي لاخوك اللي قلته لك..ما أبيـــــــــــــــــه..
قفلت غادة الخط وأنتبهت على نظرات الجدة لها..
الجدة\أنتي صادقة ياغادة في أنك ماتبين راكان؟؟
غادة\ايه يومه ما ابيه ومايبيني..
الجدة\وش اللي بينكم؟؟
غادة\من جهتي أنا مافيه شيء..كل شيء منه..
الجدة\وأنتي وين شفتيه..؟؟؟
غادة\في المول وهو قال مايبيني..
غادة حكت للجدة كل اللي يسويه راكان وهي تبكي..
واستثنت ذكر هديل في الموضوع..
اذا ما أحترم ذكرى أختي أنا أحترمها ..
الجدة\لايكون فاهمته غلط يا بنت؟؟الولد شاريك..
غادة تمسح دموعها\والله ماحرفت في كلمة هو قالها..
يومه تكفين خلصيني من ها الزواج الفاشل..
ما ابيـــه وما يبيني ليش نتعذب سوا..
الجدة\بس المصيبة أنه يبيك ومن زمان وهو يردد هالكلام..
غادة\لاتلعبووون علي وترموني له..
الجدة\يابنتي...........
قطع عليهم صوت جرس الباب..
الجدة تنهدت\يمكن أحد من الجيران يبي يعيد علي شوفي من يومه..
غسلت غادة وجها و رتبت لبسها..ولفت عليها جلال الصلاة..
برمودا أسود وعليه بلوزة حمراء مشكوكة على الصدر وبدون أكمام..
<<هاللبس ماتلبسه قدام أبوها وأخوانها بس قدام جدتها أو أمها..
وقفت عند الباب\ميين..؟؟
مالك\السلام عليكم..أبوعبدالله موجود؟؟
غادة\لا..ماهو موجود..
مالك\الوالد أو الشباب؟؟
غادة بعصبية\مــــافيه أحد..
مالك\طيب لوسمحتي خلي الخادمة تطلع وتأخذ هذا الكرتون..
خاص بأبوعبدالله..أنا مسافر ألحين وماظنتي أقدر ألقاهـ..
غادة أرتبكت ماتدري كيف تتصرف..مافيه الا جدتي تطلع وتاخذ الاغراض اللي معه..
مالك\يا هل البيت..
غادة\الحين أنادي أمي..انتظر الله لا يهينك..
خرجت وهي تسند الجدة لحتى وصلتها عند الباب وقفت وراه وفتحت لجدتها..
الجدة\نعم يا أمك وش تبي؟؟
مالك\مساك بالخير يومه..من العايدين..
الجدة\مساك بالنور عساك من السالمين..
مالك\يومه هذي أغراض تخص علي منبهني عليها..
وماعندي وقت أرجع مرة ثانية..وصلوها له..
الجدة\ان شاء الله توصله..
راكان بعصبية\أنت وش تسوي هنا؟؟
مالك\ومن تكون أنت؟؟
راكان\صاحب البيت..
مالك بسخرية لأنه يعرف هل البيت كلهم\وياصاحب البيت..محدن يهاوش ضيوفه..
راكان\الضيف اللي مثلك ينصك الباب في وجهه..
مالك\قفلي الباب عليكم يومه..فمان الله وراي سفر..
راكان\ماجاوبتني وش اللي تسويه هنا؟؟
مالك\شيء خاص ومايعنيك..
راكان بغضب\شيء خاص وفي بيت عمي؟؟
مالك\ايـــه خـــــاص..
راكان\بس البيت مافيه رجال ألحين وأنا شايفك من ساعة طاق حنك..
مالك بخبث\مادمت من هل البيت وشايفني أتكلم مع هلك ساعة..
ورى ماجيت تكلم الرجاجيل..ليش متخبي وتراقب؟؟
راكان\أشوف تاليتها معك..
غادة\يومه نادي راكان يخلي الرجال بحاله..ليش يهاوشه..؟؟
الجدة\ماهو بصاحي قليل السنع..
مالك\تيـــسر يا ابن الحلال ماني فاضي لهبالك..
مشى مالك باتجاه سيارته لكن راكان مسكه من كتفه وضربه على بطنه بكس..
مالك كانت ردت فعله عنيفة..مسك راكان شاله ورماه على الأرض..
وضربه كم ضربه على وجهه..
الجدة فتحت الباب ونادت على راكان اللي كان يتضارب مع مالك بعنف..
الجدة\راكان يا المجنون اترك الرجال اتركه..لاتفضحنا في الناس..
وش يقولون عنا يا الخبل..
لم يرد عليها الا بلكمة وجها لوجه مالك..وهو يصرخ بجدته..
راكان\هذي ماهي أول مرة أشوفه..هذا الكلب يطارد زوجتي..
شفته في المول لكن مايردني منه شيء..
مالك بعد كلام راكان وجنونه..وقف ضرب راكان على بطنه ثم كتف يدينه من وراه ..
نزله على الأرض بعد ماضرب ركبته من ورى..وجلسه على ركبه..
مالك\لو ماني حاشمن صاحب البيت وهله وما ابي الناس يحكون عليهم..
ولا كان الحين ذبحتك على قل عقلك وقصيت لسانك..
الجدة\خله يا أمك تراه ماهو بصاحي ..
مالك رمى راكان على الارض..وتوجه لسيارته وهو يرفع شماغه وعقاله عن الأرض..
مالك\خسارة فيك بنت الشيوخ..عز الله أنك ماتسوى ظفرها..
ركب سيارته ومشى بسرعة طالع من الحي..
الجدة\يا الله عساك ماتشفى من ضربه لك يا الخسيس النذل..
راكان وقف بصعوبة\وش كان يبي هالكلب؟؟
الجدة\نعنبوا اسكت اسكت لاتفضحنا..الناس بيتكلمون على بنت عمك..
راكان يدف الباب ويدخل..انصدم من وجود غادة ورى الباب..
راكان\وهذي وش تسوي هنا؟؟موهي كانت تكلمه؟؟
الجدة\والله يارويكن ان ماطلعت من ذا الباب ألحين لأكون شاربتن دمك..
راكان\هذي الكلبة ماتعبر ان وراها رجال..زواجها بعد يومين وهذي سواياها..؟؟
الجدة\والله ما أكون بنت عبدالله أن عرفتها أو صارت حليلةً لك..
عهدن علي يارويكن ماتتزوجها لو أشوف الشيب غازين وجهك..
الخلا يا النذل..مالك في ذا البيت مره ولا لك جده..
راكان\مابيستر عليكم غيري..لاتحسبينها شريفة هذي....
ماكمل كلامه بسبب الكف اللي صفق خده بقوووة..
غادة بحدة\يـــاحفي الرجلين ثمن كلامك..
ثوبي أبيض مايلمسه كلب مثلك..
أشرف منك وأطهر من الشنب اللي على وجهك..
الجدة تسحب راكان اللي كان في حالة ذهول ..
كف صحاه من كل اللي في باله..
كف من يدها الطاهرة علمه حجمه وقلة عقله..
الجدة دفته تخرجه برا وتقفل الباب عليه..
الجدة تضمها\ماعليك منه الولد أستخف مثل ماقلتي..
ولا يهمك يا غادة والله مايعرفك زوجة له..
ولو يحبي لك حبي..
غادة تبكي\فكيني منه يومــــه تكفين..
الجدة\دواهـ عندي..خلي أبوك واخوانك يجون وأوريك فيهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غربت شمس العيد وأخيراً قررت تطلع من الملحق..
جلست على المرجيحة الطويلة وهي تناظر خيوط الشمس الأخيرة..
ودعتها وكأنها تودع الأمل في الرحيل مثلها..
طول اليوم وهي تتأمل ان غازي ممكن يسمح لها تكلم أهلها..
لكن كان كما عرفته دوماً قاسي لا يلين..
ترك المزرعة مع أهله وتركني لوحدي..
الله يحرمك من أغلى الناس على قلبك وتذوق قهري..
مسحت دموعها بكم بلوزتها وتنهدت بتعب..
كانت سرحانة بأهلها وتفكر وش اللي ممكن هم يسوونه ألحين..
أكيد امي متوقعة أني راح أكلمهم اليوم..
لأنه مستحيل الدراسة تمنعني من مكالمتهم..
ولا اخواني اكيد زعلانين علي..
غـــادة يابعد روحي وحشتيني..
آآآه يا ابوعلي ويــــنك تأخرت علي..

فزت بخوف وهي تشهق لما حست بذراع تلتف على كتفها..
وثقل يجلس بجنبها لاصق فيها..
عرفته من دون ماتناظر فيه..يمكن من صوت انفاسه..
أو من ريحة عطره اللي حافظتها أكثر من ملامحها..
حاولت توقف لكن هو وثقها وشد على ذراعه اللي على كتفها..
كانت تدري مهما قاومته ماراح يتركها الا بارادته..
ظلت ساكنة على حالها لا ناظرت فيه ولا تكلمت..
غازي بهمس\ليـــش ماعشتي العيد معـي؟؟
هديل\..............
غازي\ع الأقل الصلاة لو صليتيها مع الأهل وبعدها سويتي اللي يرضيك..
هديل\................
غازي\قلت لك كل ماتقبلتي حياتك هنا..
راح ترتاحي ويتغير كل شيء..بس أنتي عيشي معي..
مو راضية تتركي العناد وتنسي الماضي..
لفت وجها بعيد عنه دليل على رفضها لكلامه..
غازي\وش اللي ربحيته غير التعب..الحزن والضيق..
مـــاربحتي شيء..
غازي تنهد\ناظريني..
رفضت طلبه وماناظرت فيه..
مسك وجها بيده ولفها عليه..
غمضت عيونها بسرعة ماتبي تشوفه..
غازي\ليـــــش..؟؟
هديل بهمس\ما ابى أشوفك..
غازي\ليــــش..؟؟
هديل بعبرة\ما أبيه يكون لي ذكرى معك بيوم العيد..
لاني لما ارجع لهلي ما ابي اذكرك حتى بيوم العيد..
غازي يقرب منها وهي تشد على عيونها..
غازي\بس انتي معي هذا العيد وكل عيد راح تظلين معي..
هديل بدمعة خاينة\لا ماراح اذكرك بيوم العيد..
شيء غريب حست فيه يصير معها..
والأغرب ملمس دافىء على فمها..
فتحت عيونها بفزع وماكانت الا شفايفه تقبل شفايفها..
قبـــلة طويلة متملكة..
وقاسيــــة بسبب مقاومتها له..
كلما حاولت الافلات شدها له أكثر..
سحب حجابها بيده ونزله عنها..
همس في أذنها بكلماته الناعمة..
غازي وفمه على أذنها\وألحين بتنسيني يوم العيد..
أنـــــا مستحيل أنسى..
باسها على أذنها وهو يشم ريحتها..
ماكان ردها عليه الا شهقة وبعدها بكــــت وهي ترجف من الخوف..
وجها كان على كتفه ويدينها لامتها بقوووة على صدره بعد ما كانت تضربه وهو يقبلها..
ضمها له أكثــــر حتى حست أنها ممكن تدخل جواته..
كانت تتكلم بتلعثم وأكثر كلماتها مو مفهومة..
لكن اللي هو متاكد منه أنها كانت تسبه وتتوعد فيه..
ابتسم لما سمعها تقول\بأسوي فيــ يك مم مثـ ل م اتسوي ففينــ ي..
غازي بضحكة\حـــــــــــلالك..ياليـــت تقدري..
كانت تمسح شفايفها على قميصه لأنه آسر يدينها على صدره..
حط يده على راسها وثبته على صدره ومنعها من اللي هي تسويه..
غازي بهمس\هششش بـــس بتجرحي فمك كذا..
بعد فترة..لما حس فيها هدت وخفت شهقاتها..
أرخى يدينه من عليها وباسها على شعرها المنثور حواليها..
بعدته عنها ووقفت بسرعة كانت بتطيح بس هو مسكها..
ضربت يدينه وصرخت فيه برعب..
هديل\لا تلمسنـــــــــي ...
مارد عليها لأنه كان يتأملها بنظرات غريبة..
شعرها باللون الفاتح والرائع..
وجهها الأحمر..من الدموع..من الغيض..
والأكيد من اللي سواه فيها..
فمها المجروح واللي صار مايل لـ اللون الأحمر القاني..
تراجعت خطوتين على ورى وعيونها عليه بخوف..
قفت عنه ورجعت للملحق وهي تبكي وتترنح في مشيتها..

أجدني بك غآرقه حد الهذيآن

أنفيك من أوردتي وأجدك تمسك بقلبي

تكتبني بـ سطر حيآتك حرف وأكتبك بـ حيآتي

دوآوين قصآئدها ذاك الغيآب وإنتظآر مله الرصيف

والمآرين به ..!

أهذي بك وأصآب بحمآك أبكيك وأشكوك لـ سآعآت الأنتظآر

ودقآئق الغيآب وأجدني عند مرور طيفك بـ أحلآمي فرِحه

كـ طفل قدمو له حلوى العيد.!

’’’قديسة الضوء ’’’

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

علي بعصبية\يومه انتي وش تقولين؟؟
الجدة بغضب\انت ولا كلمة..الحكي بيني وبين ولدي..
أبوعلي\يومه الله يهداك لا تلومنيه كلامك مايقبله العقل..
كيف نلغي زواج البنت من ولد عمها وهو ماباقي عليه الا يومين..؟؟
الجدة\مالهم نصيب مع بعض..البنت ماتبيه وماظنتي انك بتجبرها..
علي\بس غادة موافقة..
الجدة\لا ماهي موافقة غاد انجبرت عليه..
أبوعلي\يشهد الله أني ماأجبرتها..ولا لي نية أغصبها على شيء ماتبيه..
محمد\صلوا على النبي وخلونا نفهم وش السالفة..
يومه انتي كنتي موافقة على الزواج وش اللي غير رأيك؟؟
الجدة\البنت حالتها ماتسر احد..كلكم شايفينها ومتغاضين عن حالها..
علي\شيء طبيعي كل بنت يقرب زواجها يصيبها الخوف والبكاء..
الجدة\لا تناقشوني رويكن ماهو بماخذ غادة وأنتهينا..
هادي\مادمتي قلتي رويكن فهو مسوي بلى..
علي بجدة\وشهو مسوي علميني يومه؟؟
الجدة تمسح دمعتها\سوى اللي سواه..المهم أني ماعدت له ام ولا جدة..
وغادة حرام عليه ليوم الدين..
الكل أصابهم الذهول من بعد كلام الجدة الأخير..
عم الصمت العقول تفكـــر وتحاول تستنتج وش اللي راكان ممكن يكون مسويه..

أبوعلي\دامك حلفتي فوالله مايعرفها..
يومه وعزة الله الا معلمتني بسواته..
الجدة\غادة ولا واحد منكم يكلمها ولا يوجعها بالحكي..
علي بهدوء\غادة اختنا وأعز ماعلينا مصلحتها..
الجدة بحسرة\والله أن تركها لراكان هو مصلحتها..
هادي\الله يستر عليه..يدور حرمته في بيت ثاني..
محمد\وشهو مسوي يومه؟؟
الجدة\اوجعني بكلامه لي..قطع قلبي بحكيه..
علي بحميه\أفا يالعلم أوجعك يا الغالية..
والله مايمسي الا بفك قهرك يومه..ليه هو ناسي أنك امه الخايس..؟؟
طلع علي من البيت وأبوه يصارخ على اخوانه يمسكونه حتى يفهمون السالفة..
بس محمد وهادي كان ردهم انهم بيفزعون مع اخوهم وبيلعنون خير راكان..
خرجوا كلهم من البيت بسياراتهم وراحوا يدورون عليه..
كل واحد بطريق..سيارته ماكانت موجودة عند البيت..
الاستراحة ماكان فيها..ديوانية أصحابه بعد ماهو فيها...
طال فيهم الوقت وماكان له أثر..حتى جواله كان مغلق..
علي رجع البيت وتوجه لغرفة جدته وسمعها وهي تحكي السالفة لـ أبوه..
دخل عليهم وعيونه مثل الشرار ماهو مصدق اللي يسمعه..
علي بغضب\هذا الكلام يقوله على أختي..ولا حشمنا قدام ولد الناس..
والله لـ أشرب....
الجدة\وعزة الله وجلاله عليك ياعلي لاتكمل..تكفى لاتفرقون عيالي..
وتسيحون الدم بعروقكم..يا أبوي لاتقطعون الرحم تكفى..
علي يمسك يدين جدته\وراكان خلى فيها دم ورحم..قطعها يومه قطعها..
الجدة تبكي\حلفتك بالله ياعلي لا تحارب ولد عمك ولا يدري أحد بسواته..
علي\والرجال اللي تضارب معه وسب أختي عنده..
الجدة\هذا خويك وصاحبك مابيتكلم عليك..
علي بقهر\ومنهو الصاحب اللي بيستر على أختي من ولد عمها وخسته؟؟
الجدة\مـــالك ولد السالم خويك يا ابوي..
علي مصدوم\حسبي الله عليك ياراكان..فضحتني في أختي وخويي..
الله لا يوفقك..الحمدلله انه مالك ماهو بغيره.
أبوعلي\خله يا ابوك خله..والله مايربيه الا الزمن..
ماخسران غيره..ولا بنتنا ماهي بمعيوفة..
الجدة\أنا كلمت اخوك علي وقلتله ماعاد لولده حرمة عندك..
وان زعل ولا هاوش فلاعاد يعرفني ولا أعرفه..

تم نشر الخبر والقريب والبعيد ..عرفوا بكنسلت الزواج..
و من بعض الكلام اللي شاع..
ماترك بنت عمه قبل الزواج بيوم الا وهي مسويه مصيبة..
ماقدر ولد عمها يستر عليها..
سود الله وجها قالوا ماسكها مع واحد في المول..
غادة بنت علي ولد عمها رفضها قال ماتناسبه وأخلاقها ضايعة..

<<كثر مايقال عن غادة...
لأنها لم تكن الا ضحية من ضحايا مقـــــولة مشهورة جداً..
يرددها ذاك المجرم من خلف مكتبه وبابتسامة تافهــــة وحقيرة..

[ عذراً كان خطاء طبي ]

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛

هذا اليوم الثالث لها ماطلعت من الملحق ولا اعترفت بالحياة..
يومها يروح في صلاة قراءة قرآن..تفكيــــر..أوهام..خيالات..نوم..فكوابيس..

كانت لابسة البدلة اللي أرسلتها صوفي وجنبها شنطة صغيرة فيها بعض ملابسها القليلة..
جاهزة كما طُلب منها وهذه المرة لم تسمح لنفسها ولن تسمح لغيرها بنزع لثامها عن وجهها..
وصلت لها ماريا رسالة من السيد..
بأن تكون جاهزة ل السفر معه ومع العائلة الى العاصمة..ولكن أي عاصمة؟؟..فهي لاتعرف..
ماكانت تدري بأي شيء..لا وين المكان ولا كيف راح تسافر..
جاهزة فقط وصـــــــــــــــامتة..
كانت جالسة في كرسي بعيد عن غازي وأهله..
تمنت لو تقدر تجلس عند المضيفة لكن كانت تدري بانه راح يرفض..
ثبتت لثمتها بارتباك ..كانت مطمنة انه مايقدر يشوفها لأن كرسيها خلف كرسيه..
كانت الاهتزازات كثيرة في الهواء..
وصوت شوق يعلى على كل اهتزاز..
ناظرت باتجاه ام غازي..
اللي أول ماشافتها معهم بالسيارة مدت يدها لهديل مصافحة..
أم غازي\عيدك مبارك..
هديل بهمس\الله يبارك فيك..عيدك مبارك
أستغربت شدها على يدها ونظراتها وكأنها تسترحم على حالها..

ناظرت من الطاقة وهي تتذكر أول مرة كانت فيها على هذي الطيارة..
كانت مرعوبة منهارة..
محتاجة الأمان ..الخوف كان مسيطر عليها وتالف أعصابها..

أعلن الكابتن عن الوصول ونبه بربط الأحزمة..
نزلوا من الطيارة..حاولت تكون آخر وحدة والأبعد عن غازي..
مافاتتها ألتفاتاته وبحثه عنها..أو بالاصح مراقبته لها..
طلعوا من المطار الرئيسي وركبوا السيارة الفخمة اللي كانت في انتظارهم..
لازالت متلثمة وهي الوحيدة من بينهم المختلف شكلها..
كلهم كانوا متحجبات لكن هي متحجبة ومتلثمة..

ما أعارت اللي يصير حولها أي اهتمام..
ما أثارها الكلام ولا المتحدثين..
كانت تراقب الشوارع وكانها تدور على أي شيء يدلها هي وين..

وقفت السيارة نزلوا المتواجدين معها..جت بتنزل لكن صوته منعها..
غازي\رسل لاتنزلين..
فتحت الباب ونزلت من السيارة بسرعة ولصقت في أمه..
أم غازي ناظرتها باستغراب بس ماقالت لها شيء..
شافته يقرب منها بعد مانزل وراها..
مسك يدها ورجعها السيارة وهو يأشر لرشا يدخلوا الفندق ويروحوا لجناحهم..
هديل سحبت يدها منه لكن ماقدرت تفكها..
ركبها السيارة وجلس جنبها..

ماكانت تدري هو وش يبي ووين راح يوديها..
الرجفة متملكة جسدها بالكامل..
يدها على لثمتها وخايفة من اللي راح يسويه..
أنتبهت على يده تأشر على الشارع من جهتها..
لفت راسها وشافت اللي يبيها تشوفه..

ماكان لها أي ردت فعل غير الصمت..
ومشاهدة المعالم اللي قدامها واللي تخبرها عن الدولة اللي هي فيها..
هديل بهمس\ رومـــــــا ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماذا سيحدث في روما ...؟؟؟

03-04-2012, 05:44 AM

البارت السابــــع والعشرون ..

تقولين بدهشة : لقد حدث شيء غريب غريب..
تقولين : إن عيوننا تلتقي الآن فلا يبصر أحدنا في عين الآخر ملايين الأفلاك والمجرات والعوالم..
تقولين : إن أصابعنا تشتبك الآن دون أن ينفجر ذلك الحريق المدمر الجميل الأخضر..
تقولين : إننا نتحدث الآن فلا تورق الكلمات بالبرتقال والعنب والليمون..
تتساءلين : ماذا حدث؟
حدث أن ذلك الساحر الصغير الذي كان يسكن عيوننا وأصابعنا وكلماتنا امتطي بساطه الطائر ورحل..
فعادت العيون إلى طبيعتها : نوافذ نطل منها على العالم الخارجي ..
واستأنفت الأصابع وظيفتها اليومية : أدوات نستعين بها على اللمس والالتقاط..
ورجعت الكلمات إلى أبجديتها القديمة : عارية من الكروم والواحات..
ماذا سنصنع الآن ؟ تسألين بحرقة ..
لا شيء..
من العبث أن نحدق في عيون فارغة أو نتلامس بأصابع باردة ، أو نتحدث بلغة ميتة..
من العبث أن نطارد الساحر الصغير ونحن نجهل اسمه وعنوانه وخط سيره ومحطته القادمة..
فلنبتسم ، إذن ، ونحن نسترجع الأيام التي قضيناها في صحبة ساحرنا الصغير..
ولنبتسم ، مرة ثانية ، ونحن نتصور حبيبين آخرين ينعمان الآن برفقة ساحرنا الصغير..
ولنبتسم ، مرة ثالثة ، ونحن نحلم بليوم الذي نعود فيه ، دون موعد ، ساحرنا الصغير..

المرحوم غازي القصيبي ,,,

ماكانت تدري هو وش يبي ووين راح يوديها..
الرجفة متملكة جسدها بالكامل..
يدها على لثمتها وخايفة من اللي راح يسويه..
أنتبهت على يده تأشر على الشارع من جهتها..
لفت راسها وشافت اللي يبيها تشوفه..

ماكان لها أي ردت فعل غير الصمت..
ومشاهدة المعالم اللي قدامها واللي تخبرها عن الدولة اللي هي فيها..
هديل بهمس\ رومـــــــا ..
غازي\وأخيراً عرفتي أنتي ويــــن..
هديل\بعيــــدة مــرة..
غازي بتسئول\بعيدة؟؟
هديل بهدوء\بعيدة من بيتنا..عشان كذا أبوي تأخر ولا جاء..
غازي قرب منها\تعتقدين هذا هو السبب..؟؟
هديل\يمكن هو يدورني في السعودية..مايدري انك جبتني هنا..
بس هو بيلقاني..وبيرجعني له..
غازي لفها عليه وعيونه بعيونها المليانة دموع..
غازي\مايقدر يأخذك مني..يـــابنت انسي انسي..
هديل بغصة\انسى؟؟..كيف انسى قلي كيف..
اذا نسيت أيش أصير وأيش أكون..اذا نسيت هلي فمن أذكر ومن اللي راح يذكرني؟؟..
تطلبني انسى هلي بكل سهولة تردد كلامك..
أنا لولا الله ثم ذكراهم مدري وش كان راح يصير فيني..
لو اني ما اصبر نفسي بلقاهم وش اللي بيصبرني..
وبعدين انت بأي حق تبيني أنساهم..
غازي بقسوة\بحق انه مابقى لك أهل غيري..
هديل\تسمي نفسك هلي وامي..وتطلبني انسى الماضي..
انسى المحبة الأمان انسى الحنان والرضى...
وأعيش على قسوتك ضربك وجورك..
أعيش على حرب نفسية وجسدية معك أنت..ومع هلك..
آسفة اذا صدمتك بس مافيه شيء بدنياكم يغري للحياة معكم..
أنتوا ماتخافون الله واللي مايخاف الله ينخاف منه..
غازي\واذا أغريتك بحياتنا تنسين وترضي بوجودك هنا..؟؟
هديل\سنة من الجور عشتها معك..
ماعاد يمدي تغيرها في عشرين سنة قدام..
غازي بغضب\ماقدامك الا هذا الحل..الماضي نسوك انسيهم..
ولثمتك مالها داعي..
هديل حطت يدها على لثمتها..خايفة لاينزلها..
والخوف من تغييره للموضوع اللي يتكلموا فيه..
ومن نظراته وعصبيته..
صد عنها وقال لـ السائق يرجعهم الفندق..

أنا ماكذبت عليه مستحيل انسى هلي ومستحيل أرضى بحياتي معه..
يوهمني بتغيير الحال اذا نسيت..
بس هو ليش يكذب علي هلي مانسوني..ثقته تهزني بالحيل..
أبوي واخواني يدوروني ألحين..فديتهم مايدرون أنا وين..
بما أني عرفت لازم أتصل فيهم وأخبرهم..
لازم اهرب منه وأرجع لأمي..

غازي بحدة\أدري وش تفكرين فيه..صدقيني ماراح تقدري..
هديل بتحدي\أقـــــــدر...
غازي\تذكري أنتي جنيتي على نفسك باعترافك..
طنشته وماعاد ردت عليه..تدري ان تهديده وراه مصيبة..
من معرفتها له هو مايهدد من دون ماينفذ..
ركزت نظرها على الطريق متجاهلة الرجفة اللي استوطنت بعظامها..

وصلوا الفندق أخذ مفتاح من الريسبشن مسك يدها ومشاها معه..
تأففت دليل على ضيقها من قربه منها لكن هو زاد من شده على يدها..
دليل على استمتاعه بمضايقتها..
وقف عند باب الجناح فتح الباب وأشر لها تدخل..
دخلت بتردد وهي تناظر بعيونها بأرجاء المكان تبحث عن أمه أو أخواته..
ماكان لهم أثر..فسخت البالطو تبعها وبالها في اي غرفة راح تنام..
اضطرت تسأله وهو يفسخ جاكيته ويجلس على الكنبة..
هديل\أمك وين ؟؟
غازي\أمي والبنات بجناحهم..
هديل بصدمة\يعني مو هنا؟؟
غازي\لا هذا ...جناحنا الخاص أنا وأنتي..وهم لهم جناح خاص فيهم..
رمشت بعيونها الحيرانة..غير مستوعبة لكلامه وغير راضية بكل تأكيد..
لم تتكلم ولم تنظر اليه..صدت عنه وتوجهت لباب الجناح فتحت الباب لكن ماامداها تطلع..
الا وهو ساحبها ومرجعها قفل الباب وهي تضربه وتصرخ فيه..
هديل بصراخ\افتح هذا الباب يامتخلف يا حقير..
تعتقد اني ممكن ارضى اظل معك بها المكان..
غازي\هشش ولا كلمة ومابتنزلين الا هنا وفي هذا الجناح..
هديل\بأظل مع أمك ما ابى اظل معك..
غازي\امي واخواتي مايبونك تظلين معهم..
هديل بعصبية\مايهموني أظل معهم غصب عليهم..ابعد عني ماراح اظل معك..
غازي يقفل الباب ويشيل المفتاح من عليه..مدت يدينها محاولة اخذ المفتاح من يده..
لكن هو رفع يده فوق وشكله مبسوط على ضربها له ومهاوشته..
هديل بقهر\لا تحبسني هنا ما بأظل معك..
غازي\أنتي جنيتي على نفسك وهذي أولتها..
هديل\افتح الباب بأكون عند امك..
غازي\لأني ما أظمنك مستحيل أتركك تغيبي عن عيني..
هديل\ماراح أهرب الحين مئجلة الموضوع..
غازي\الحذر واجب..
هديل بغيض\افتــــــــــــح الباب..
غازي تركها وتوجه لغرفة النوم وبعد عشر دقايق لحقته مقهورة من تصرفه..
مستحيل اظل معه في مكان واحد..هذا استخف ما أأمن على نفسي معه..
ماله امان خصوصاً بعد يوم العيد قليل الأدب..
حتى لو اهانتني امه واخواته عادي اتحملهم..أهون هم ولا هو..
دخلت وراه كان جالس على السرير و يفسخ جزمته ناظر فيها ولاحظ عصبيتها..
قبل لا تتكلم أو تهاجمه أمرها بلطف..
غازي\ممكن كاس الماء لو سمحتي..؟؟
هديل عاندت وركزت عيونها بعيونه ماتاثر من نظراتها المحرقة له..
قررت تعطيه الماء وتتفاهم معه بالهداوة وتترك عنها الصراخ..
لأنها ادركت انه أكتشف مدى خوفها من البقاء معه من ردت فعلها المجنونة..
قربت منه وبيدها كاس الماء مدته عليه بس ما اخذه كان يفك الزر تبع أكمامه..
غازي بخبث\فكي أزارير قميصي..
العقلانية اللي سكنتها بلحظة ونصحتها بالهداوة والتفاهم طارت..
وحل محلها الغيض والقهر من دون تفكير باللي تسويه..
كبت كأس الماء على رأسه ورمت الكاس على السرير..
كانت بتهرب برا الغرفة لكن الباب بعيد منها ولازم تمر من قدامه..
تراجعت على ورى ودخلت الحمام وسكرت الباب..
أنفجعت لما دورت على مفتاح الحمام بس ماكان موجود مفتاح..
ماهي الا ثواني وكان غازي معها بالحمام..
تراجعت لآخر الحمام بخوف من عقابه لها..
قرب منها وهي لاصقة بالجدار ماتجرئت تحط عيونها بعيونه خايفة من نظراته..
مد يده وبنفس اللحظة صرخت وحطت يدينها على وجها تحميه من الضرب..
نزل يدينها وآسرها بيده..وبيده الثانية نزل لثمتها وسحب حجابها..
فتحت عيونها وركلته بأرجولها على ساقه..سحبت يدينها منه..
ترك يدينها ومال بجسمه شالها من على الأرض وهي تصرخ بخوف..
مشى فيها خطوتين ونزلها في البانيو المليان ماء صافي..
أختفت هديل تحت الماء تحركت بين يدينه برعشة وخوف..
رفعها وسمح لها تتنفس لجزء من الثانية وأعادها تحت الماء وهي تشهق..
أعاد الكرة مرتين وثالثة حتى شعر بضعفها واستسلامها..
كانت تشهق وتتنفس بشكل سريع مع سعال متواصل بسبب الماء اللي دخل بحلقها..
مسح وجها بيده وبعدها شالها من البانيو وخرجها من الحمام..
وهو يهمس بأذنها\محتاجة تنفس اصطناعي..
سدحها على السرير وهي ترجف من البرد ومن الارهاق اللي أحدثه فيها اغراقه المتواصل لها..
سكرت عيونها لما شافته فسخ قميصه ورماه على الكرسي..
حست فيه يغطيها بمفرش السرير..
كل شيء فيها كان ينصحها تقوم وتطلع من الغرفة..لكن عظامها ماطاوعتها..
جسمها يرجف من الخوف ومن الانهاك والتعب..
ظلت على حالها مغمضة عيونها لحتى غفت من دون ماتنتبه على نفسها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

03-04-2012, 05:47 AM

في الكوفي القريب من الفندق كانوا جالسين يشربوا قهوة لما انضم لهم غازي..
غازي\السلام عليكم ...
الكل\وعليكم السلام ورحمة الله وبركاته..
شوق\كنت نايم؟؟
غازي\لا...هممم كيف الجو معكم؟؟
رشا مبسوطة\جنان ياقلبي تسلم أحب روما مرررة..
شوق\يالبى الشوبينق في ايطاليانو..
غازي\مادية ماراح تتغيري..
شوق\هههههههههههههه وليش أتغير؟؟
رشا\ولدي بينام بأرجع الفندق تعالي معي شوق..
شوق توقف\اوكى جاية..يالله تصبحوا على خير..
غازي\وانتي بخير واذا جاك اتصال ردي عليه..
شوق\اتصال؟؟ايـــه فهمت لا ما راح ارد خله يتأدب..
غازي\انتي الخسرانة..
شوق\ليـــش ناوي يتزوج علي؟؟
غازي\ياليت يتزوج عليك يمكن تعقلين..
رشا\هي تظن راح يظل ينتظرها الخبلاء لبى قلبه بكره أزوجه احسن منها..
شوق بعصبية\وتسمين نفسك أختي يالخبيثة طسي الفندق قبل ادوسك..
توجهوا للفندق..وغازي ألتفت على أمه ولاحظ نظراتها..
غازي\وش فيها الغالية ساكتة؟؟
أم غازي\ويـــــنها؟؟
غازي\نايمة..
أم غازي\ويـــن؟؟
غازي\في جناحي..
أم غازي\جناحي كبير ابيها تجي عندي..
غازي\ولالك لوى..لكن ما ابيها تغيب عن عيني..
أم غازي\محتاجتها تساعدني في ترتيب الاغراض وتكون حولي اذا أحتجت شيء..
غازي\شوق موجودة..
أم غازي\ما ابى شوق..
غازي\لاتحاولي يومه ماتطلع من الجناح الا معي..
أم غازي\أخاف عليك يومـــه..
غازي يبتسم\أفا شايب وش كبري وتخافين علي..؟؟
أم غازي\أخاف تغرق بدون شعور..
غازي\ضامن نجاتي بالطيب او الغصب..
أم غازي\الله يصلح الحال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

رشا بزعل\شوق انتظري الولد نايم..
شوق بقهر\تبين تزوجينه ياللي ماتستحين تزوجين زوجي..
رشا\ههههههههههه يابنت اصبري..
شو طنشتها ومشت بسرعة عنها تبي تقهرها..لكن صدمت بجدار ضخم وكانت بتطيح..
لكن الجدار طلع معه يدين مسكها وثبتها توقف..
شوق تصرخ\عمــــــــــــــــــــــــي..لااا مو مصدقة..
سلمت عليه وهي تضمه..وتعبرله عن فرحها بشوفته..
تجمدت رشا بمكانها وهي تسمع صراخ شوق وضحكها بشوفة عمها..
وقفت بعيد عنهم وهي شايلة ولدها النايم..
نزلت راسها بخجل منه ومن تواجده..ماكانت تتوقع انه راح يلقاهم هنا..
شوق\رشا هذا عمي راجح..
رشا ماكان لها اي ردت فعل غير انها تتجاهل وجوده بأدب..
مشت من جنبهم وهي تلقي السلام بخفوت ..
راجح بصوت رجولي\كيفك يأم غازي..؟
رشا بخجل\الحمدلله يسرك الحال..عساك طيب؟؟
راجح\طيب بشوفتكم..عطيني الولد..
رشا ارتبكت\هو نايم الحين لما يصحى يصير خير..
راجح قرب منها وسحب غازي من يدها..باسه على خده وراسه..
شاله بخفة ثم ناظر في البنات وأشر لهم يلحقونه..
راجح\جناحي جنب جناح غازي طريقنا واحد..
شوق بصوت واطي\وش فيك مرتبكة اهدي..
رشا\ماهو على اساس بيجي الاسبوع الجاي..
شوق\هذا هو جاء خليك طبيعية..
رشا\بأقول لغازي يرجعني السعودية اليوم..
شوق\ترى مالك داعي عمي ماراح يأكلك..
رشا تدخل جناحهم\هاتي ولدي منه روووحي..
شوق\عمي خلاص هذا جناحنا عطني غازي ادخله..
راجح\خلي أمه تجي تأخذه..أنا في جناحي..
شوق\عمــــي الله يهداك لاتدخلني بمشاكلكم الولد يبي ينام..
راجح بحدة\تبي ولدها تجي تاخذه من عندي..
كمل طريقه لجناحه وهو حاقر شوق اللي صارت تتحلطم من كلامه معها..
شوق\مارضى يعطيني اياه..قال تبينه روحي جيبيه من عنده..
رشا بضيق\يا الله وش الحال معه هذا؟؟باتصل بغازي يجي يشوف عمه..

اتصلت بغازي وقالتله يجيهم الفندق بسرعة ويرجع ولدها..
غازي ماتفاجاء من تواجد عمه بروما هالاسبوع لأنه حجزله جناح قريب منه بطلب عمه..
رجع مع امه للفندق..توجه لجناح عمه..
دق الباب وسلم على عمه وجلسوا بصالة الجناح..
غازي\كنت أظنك بتوصل بكره..
راجح\خلصت الشغل وجيتكم هنا..
غازي\طيب ليـــش خاطف ولد أختي؟؟
راجح\لايكون جاي تأخذه مني؟؟
غازي\أمه أتصلت علي قالت اخذه منك..
راجح\اذا تبيه تجي تاخذه بنفسها..
غازي\لاتصعب الأمور عليها..
راجح\ماصعبت شيء تبي ولدها تجي تأخذه..
غازي\فيه غير هذي الطريقة عشان تتفاهم معها..
راجح\ما اتبع الا طرقي أنا..خلها تجي تاخذ ولدها..
غازي\بتروح معنا بكره السفارة؟؟
راجح\لا ما أعتقد السفير مايدري اني موجود بايطاليا ومالي نية اروح..
غازي\حلو..
راجح\وش عندك أنبسطت أني مو رايح؟؟
غازي\لأني مضطر أروح السفارة وبأحط عندك أمانة صعبة..
راجح\مابه صعب..
غازي\كفـــــو..وألحين عطني الولد بأروح أنام الوقت تأخر..
راجح\قول لـ رشا تجي تأخذه..
غازي\انتوا متزوجين وحلوا مشاكلكم لكن ولد اخوي خلوه برا أموركم..
راجح\تدري لاترد عليها وهي بنفسها راح تجي تأخذ ولدها..
غازي وقف\مو ناقص اجاهد مع اختي بحربها..عندي حربي الخاصة بجناحي..
راجح بعصبية\أنت صاحي؟؟
غازي\أنت اتبع طرقك وأنا أتبع طرقي..لا تدخل بأموري أتدخل بأمورك..
راجح\قل لأخك متى ماحبت تجي تأخذ ولدها تجي الدعوة مفتوحة..
غازي\تمسي على خير..الله يعين أختي عليك..
راجح\وانت من اهل الخير..

طلع غازي وبلغ اخته كلام راجح..اذا كانت تبي ولدها تروح تأخذه من عنده..
رشا\يومه روحي جيبي ولدي..
أم غازي\أروح جناح عم عيالي ؟؟طسي أقووول..
رشا بزعل\طيب تعالي معي اجيب ولدي..
أم غازي\مالي حاجة أروح..الرجال زوجك..والبزر ولدك..
رشا\زوجي بالأوراق مابينا شيء..ليش يسوي كذا؟؟
شوق\روحي تفاهمي معه..بيعطيك الولد..
رشا\أنتوا وعمكم هذا يخوووف ما ابى اروح بالحالي..
شوق\روحي لغازي يروح معك وجيبوا الولد..
أم غازي\مالكم شغل بغازي راح ينام..
شوق\يومه جارية أخوي وينها طاسة؟؟
أم غازي بحدة\مالك شغل بالبنت خليها في حالها..
اسلميها شر لسانك ولا تتقولي عليها بما يغضب الله..
شوق بدموع\لاتدافعي عنها وتنسي انها هي اللي قتلت ولدك..
أم غازي\هي مالها ذنب الا انها أخته..
شوق تبكي\وأنا مالي ذنب الا اني اخت اخوي..
ومشتاقة له وأبـــــيه..أخوي ميت وأخوها حي ماحوله شر..
ولد أخوي تيتم ..رشا ترملت..الكره في قلبي ماله حدود يومه..
أم غازي\ترحمي على اخوك وروحي نامي..الكره مابياكل الا صاحبه..
شوق\لا الكره بيأكلها هي وأهلها..تمسوا على خير..

راحت شوق تنام ..لكن رشا ظلت تترجاء أم غازي تروح معها..
أم غازي\خلوا البنت في حالها يارشا..ترى اللي مات ولدي..
رشا\انا مادخلني فيها..حتى لو عاملتها بقسوة ماراح أستفيد شيء..
زوجي مات بيد اخوها وهذا شيء مااقدر انساه..ولدي تيتم بسبب اخوها..
حياتنا انقلبت بسبب اخوها..لاتطلبي منا نحبها او نداريها..
أم غازي\لاتحبوها ولا تقربوا منها اتركوها بحالها وبس..
اللي تعانيه هي انتوا ماتعانونه..
رشا\اتركينا منها الحين وتعالي معي..
ام غازي\لا..تبينه روحي جيبيه..او خليه ينام عند راجح..
ماراح يصير فيه شيء..
رشا\لا مااباه ينام بعيد عني..
ام غازي\تصبحي على خير..
رشا\يووومه تكفين..
أم غازي راحت تنام وخلت رشا تدور بالجناح خايفة من انها تروح لجناح راجح لوحدها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

دخل الجناح كانت الصالة ظلمة الا من نور خفييف على الطاولة المتوسطة الصالة..
فسخ جاكيته وعلقه عند الباب..دور بعيونه عليها بس ماكانت موجودة..
توجه لغرفة النوم الوحيدة الموجودة في الجناح كان الباب مسكر..
حاول يفتحه لكن الباب كان مقفووول..ابتسم على حركتها وتقفيلها لـ الباب..
غازي\أنتي ملزومة تفتحين أغراضي وملابسي داخل..
هديل بكره\عفشك بالصالة قدامك..
غازي يناظر أغراضه\ههههههههههههههههههه قويــــــة يابنت يعني قد حركتك هذي؟؟
هديل طنشته ولا ردت عليه أنقهرت من استمتاعه بالوضع وضحكه..
كان راح يذبحني ويغرقني الملعون والحين جالس يضحك..
عساه الماحي ان شاء الله مبسوووط على قهري..
لما صحت من غفوتها ماكان موجود في الجناح كامل..
بدلت ملابسها وهي تبكي كل ماتذكرت حالتها تحت الماء وخوفها منه..
كان باب الجناح مقفول وماقدرت تطلع..جلست تفكر كيف تقدر تعيش معه بنفس المكان..
قررت تكون غرفة النوم لها لأن فيه باب يتقفل عليها وحمدت الله ان المفتاح موجود ماشاله..
جمعت ملابسه ورمتها بشنطته وعفستها متقصده ورمت جزمه وباقي أغراضه على الملابس...
سحبتها في الصالة وتركتها هناك..
قفلت عليها وهي مطمنة بانه ماراح يقدر يدخل ينام عندها او يقرب منها..

غازي\اممممم طيب ابي لحاف ومخده..
هديل\ليش بردان؟؟
غازي بخبث\ايـــــه بردان مـــــــــــــــرة محتاج دفاك..
هديل\أحسن خلك نايم في البرد..أنا نمت شهوور في البرد من دون ماتهتم..
غازي\آآآآآه بس لو كنت أدري..
هديل\ماراح أعطيك شيء..وجب لاتزعجني..
غازي\وتقولين جب ...يعني بتظلين طول عمرك بوسط الغرفة..؟؟
مصيري أمسكك ياالبزر وأربيك..
هديل\روح نام يامجرم نوم الظالم عباده..
غازي\تمسي على خير تهني بنومتك الليلة آخر ليلة تنامي لوحدك..

تنفست بصعوبة بعد ما تأكدت انه بعد من عند الباب..
قال آخر ليلة انام لوحدي..عساه الجرب يهددني..
يبي يخوفني..بس هو وش يقصد لايكون يبي ينام هنا؟؟
والله لو يذبحني او أذبحه ماينام معي واطي ..

طفت الأنوار ونامت ومثل كل ليلة تنتهي بالكوابيس وتصحى مفزوعة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

03-04-2012, 05:48 AM

دقت الباب بهدوء هي نفسها ماسمعت صوت ضرباتها الخفيفة على الباب..
كانت متاكدة من انه ماسمعها..تراجعت تبي ترجع لجناحها لما فتح راجح الباب..
كان بروب الحمام وتوه متسبح وحاط فوطة صغيرة على راسه..
ارتبكت من شكله لانها ماكانت متوقعه تشوفه بهالشكل أبداً..
نزلت راسها وتلعثمت بالكلام..
رشا\ا ابـ ي غازي ممكن تجيبه؟؟؟
راجح\تفضلي خذيه..
رشا\جيبه لو سمحت..
راجح\مو سامح ادخلي شيليه..
ابتعد عن طريقها وأشر لها تدخل الجناح..
وقفت مكانها مترددة لكن تقدمت ودخلت وهو سكر الباب وراها..
ناظرت في الصالة ماكان موجود فيها..ناظرت فيه بتسئول فهم عليها..
راجح\نايم جوه على سريري ادخلي جيبيه..
رشا\انت جيبه أستناك هنا..
راجح دخل غرفة النوم وهو ينشف شعره..
راجح\تمسي على خير أنا داخل انام..
ظلت عشر دقايق تنتظره يجيب ولدها لكن ما طلع من الغرفة..
فتحت الباب اللي كان مردود ودخلت..تمنت لو انها ماتجرئت ولا جات لجناحه..
كان لابس بنطلون البجامة لكن من دون قميص..
تجاهلته وتوجهت لـ السرير مدت يدينها تبي تشيل ولدها..
لكنها حست بيدين تلتف على خصرها وتلمها من ورى..
شهقت بخوف وحبست أنفاسها..حاولت تتكلم لكن ماقدرت..
راجح همس بأذنها\ليـــش مستعجلة..؟؟
رشا بعبرة\ابـ ابعد عني..
راجح\نـــاسية اني زوجك..؟؟
رشا\زواجنا كان بشروط..اتركني..
راجح\بس انا ماوافقت على شروطك..
رشا\طلقني..
لفه عليه وقرب وجهه من وجها وعيونه مثل الشرار..
راجح\مــن بكره راح يتغير كل شيء..
بتنزلي بجناحي هنا..ماتطلعي الا معي وسفر معي وبس..
انسي اخوانك وانسي تأخذي شورك من راسك أو من غيري..
حاولت تبعده عنها وهي رافضة لكل كلامه..
رشا\صارلنا سنتين على هـ الحال وش اللي غير رأيك؟؟
راجح\كنت اظنك راح تعقلي وتتنازلي عن شروطك اللي ماترضي الله ولا ترضيني..
رشا دفته عنها\شروطي قبلت فيها..زواج ع الورق عشان ولدي يظل معي ومع هله..
راجح\وشرطي...؟؟
رشا\ما أذكر انك ذكرت شروط..
راجح ينام جنب غازي ويبوس راسه..
راجح ببرود\شرطي اني تزوجتك ابي عيال..
أنا نفذت شروطك بس انتي مانفذتي شرطي..
رشا مفجوعة\هذا الشرط ما انذكر وأنا ماوافقت عليه..أنت مو صاحي..
راجح يغمز لها\بلى صاحي تبين اثبات..
رشا\مالي كلام معك..اخواني يفهمونك الحكي عدل..
قربت منه مدت يدها تسحب غازي من جنبه..مسك يدينها وسحبها سدحها عليه..
صرخت رشا بكلمة وحدة\سعــــــود..
راجح تجمدت يدينه عليها وضمها له أكثر حتى تأكد من انه ألمها من صوتها..
راجح بهمس\تعتقدين انك لو ذكرتي اسمه راح أسمح لطيف انسان ميت ينهيني عن شيء ابيه..
سعود مات الله يرحمه..زوجك هو راجح..اياك اسمع اسم سعود على لسانك مرة ثانية..
ان حبيتي تنامي سليمة في ليلتك الاخيرة بعيد عن زوجك اخرجي من الغرفة في دقيقة..
رفعها عنه وهي طلعت من الغرفة وشهقاتها ترن بأذونه..
تركت غازي عنده وهربت لجناحها ..

كيف يبيني أعيش معه زوجه..كيف ينسى ولد أخوه..
تزوجته عشان غازي وبس..ابيه يتربى مع أهله..
باقول لغازي يطلقني منه هذا مايفي بشروطه..
عادي غازي يصير عم ولدي بيربيه وماراح يحرمني منه انا اخته مابيقهرني في ولدي..
وهذا الراجح يولي ويطس عن حياتنا..
حست برعشة بجسمها لما تذكرت ضمه لها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛

صحت توضت وصلت الفجر ماقدرت تنام من الخوف ..
مع انها أكدت لنفسها انه مايقدر يسوي لها شيء لانها راح تهرب اليوم وتنام بغرفة امه..
رضت امه او مارضت مو كارهة نفسي أنا أظل مع هـ المتخلف..
لبست بنطلون اشترته لها صوفي لما هربتها من المزرعة..
ماكانت مقتنعة فيه لانه برمودا..لبست بوت طويل ابيض لتحت الركبة بشوي وهذا بعد من اختيار صوفي..
بعد ما رمت جزمة هديل من شباك السيارة وهي تنتقد هديل..
لبست بدي اسود وقميص أحمر غامق..
ولفت حجابها عليها وتركت جزء تتلثم فيه..

فزت لما سمعت دقه على الباب وصوته الساخر..
غازي\اطلعي اكوي قميصي ليش عفستي ملابسي؟؟
هديل\عسى المكوى يحرق يدينك..انت رتب عفيستك..
غازي\ياقــــــــوية..أقول اطلعي ولا والله اطلع مع الأهل وأحبسك هنا..
هديل بكذب\ما ابى أطلع..
غازي\براحتك بأرجع في الليل وانتي خليك لحالك..
بعد دقايق طلعت من الغرفة وهي لابسة البالطو..
كان جالس على الكنبة يفطر ويشاهد التلفزيون..
هديل بتهديد\اذا ضربتني بأقول لهم يتصلون في الشرطة وأتهمك بالارهاب والقتل والله..
غازي يشرب قهوته\خوفتيني..اجلسي افطري مانبي نتأخر عليهم..
هديل\ما ابى..
غازي\طيب بس لا أحد يزعجني ويقول جوعان..
هديل\ما ابى منك شيء ابى اطلع من هنا بس..
غازي\بتطلعي لكن بترجعي ..
لبس جاكيته فتح الباب وانتظرها تخرج قبله..
طقت لثمتها على وجها وهي تتحداها يمنعها..
كانت شوق واقفة في الممر تنتظر رشا لما شافتهم طالعين..
سلمت على غازي ونظراتها على هديل نظرات احتقار وكرهـ..
غازي\وين راجح باقي ماطلع؟؟
شوق\كلمته الحين يجي غزوي معه..
غازي يبتسم\مارجعه..
شوق تضحك\ههههههههه لا قال رشا تجيه بس هي مارضت تروح..
غازي\يا الله نادي امي ورشا مانبي نتأحر..
شوق\اوكى بس جيب غازي رشا تبي تبدل ملابسه..
غازي\باروح أجيبه..رسل تعالي..
مشى ولاسمع كلام شوق لهديل..
شوق\ياجارية لاتحملي من أخوي مايشرفنا خلط الأنساب..
هديل\[ومايلفظ من قول الا لديه رقيب عتيد]

تركتها تسب وتلعن ومشت على خطى غازي..
شافته راجع لجناح امه وأخواته وقفت بمكانها مو قادرة ترجع معه..
أكيد بينقال عني مثل هـ الكلام..مو نايمة معه بجناحه..
مو يضمني قدامهم ويلمسني بكيفه..
ليــش مايشكون ويسبون..ليش مايحتقروني..
في النهاية انا جارية عنده وهذا رأيهم كلهم..
نزلت راسها بأسى ومسحت دمعة قهر..
راجح\رسل؟؟!
رفعت راسها وانصدمت من الشخص الواقف قدامها..
همست لنفسها بخوف يشبهه بس مو هو..
طويل مثله ضخم ويخوف..
حتى حواجبه معقودة مثله..ماكان باين منها الا عيونها..اللي وضحت خوفها..
ناظرت حولها تدور على غازي بس ماشافته..
خافت أكثر ورجعت خطوه على ورى..
راجح\لاتخافي أنتي رسل؟؟
هديل\ لــ لا مو رسل..
راجح\أجل هديل..؟؟
غازي بحدة\لا رسل..
ناظرت وراها وشافت غازي بالرغم من خوفها منه الا انها ارتاحت لوجوده..
المهم ماتظل لوحدها وخصوصاً مع هذا الغريب..
وقفت ورى غازي وهي منزلة راسها..
غازي\هذا عمي راجح يا رســــــــل..
راجح\كيفك يا رسل؟؟

ماردت عليه اختنقت بالهواء والعبرة..
أختنقت من القهر ومن الخوف..كانت تتمنى لو تصرخ فيهم..
أنا مو رسل أنا هديل..بس هي أضعف من انها تتحمل غضب واحد منهم..
فكيف لو عاقبوها اثنينهم وعنفوها..
طلع معه عمام وعزوة..آآآآه ياعمي علي دل ابوي علي وتعالوا..
حتى عمه الحين يقول عني نفس كلام شوق..بيحتقرني مثلهم..
ياويلي بيتكلمون الناس على سمعتك يوبه..
الله لا يطلعهم من ذنبي ولا يحلهم..
تبي تبكي وتصرخ بس مو قادرة تتمنى ترجع غرفتها وتحبس نفسها وما احد يشوفها..

غازي\أعذرها البنت سحاوية..
مشوا قدامها وهي ترددت بخطواتها..يتمصخرون علي يقول سحاوية..
ومن وراي يقولوا حقيرة..الله لايعلي قدركم ويقهركم بذنبي..
أكرهـــــــــــــكم أكرهــــكم..
انتبه لها غازي ورجع عندها..
غازي\كلهم نزلوا ليش ماتمشي مع الناس؟؟
هديل بعبرة\ما ابى أطلع رجعني غرفتي..
غازي تفاجاء\ليـــش؟؟
هديل\والله ما اهرب اليوم بس رجعني ما ابى اطلع معكم..
غازي\وش فيــــك؟؟
هديل بقهر\مايخصك ما ابى اطلع معكم مو غصب..
مسك يدها بقوة وسحبها وراهـ غصب عنها..
غازي\تطلعي غصب عنك ومو برضاك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصلوا للمدرج الروماني الشهير [ الكولوسيوم ]دخلوا بعد ماحان وقت دخولهم..
لأنو مايقدر احد يدخل الا ببطاقة وعلى حسب دوره..
دخلوا جوات المدرج وبالنسبة لشخص اول مرة يشوف هذي الاثار كان لابد ان تخطف انظاره..
لكن بالنسبة لهديل ما اثارتها ولا احدثت عندها اي اهتمام..
كانوا بالمدرج الثاني راجح طول الوقت ماسك يد رشا رغم عنها..
تجاهل غازي تصرفات راجح لأنه متفق معه بأنه صار الوقت بأن تعيش رشا مع راجح..
شوق متكفلة بالكاميرا تصور كل شيء ومن كل الزوايا..
جمعت شوق العائلة كلها وطلبت من احد السياح يصورهم..
بينما هي كانت واقفة بعيد عنهم وتداري دمعتها لاتنزل وتفضحها..
مع انه باين على عيونها اذا احد ناظرها بيشوف دموعها..
غصب عنها تحولت نظراتها عليهم وهم يتصورون مع بعض ومتفردين..
رفعت عيونها لآسرها ومالكها..
كان لابس نظاراته الشمسية ولا تدري انه يناظرها..
لحتى نزل نظارته شوي عن عيونه وبكذا عرفت انه شاف نظراتها لهم..

صور معي خايف يجي يوم وتموت..

ياشين هــآلكملة ولو هي حقيقة

لو ما تعوّض هالصور غيبة الصوت

على الأقل يذكر رفيقن رفيقه ,,

لفت بجسمها عليهم وناظرت بالسماء تمنع دموعها من النزول..
راقبت السياح بكدر..يبتسمون لـ الصور..
فرحين بتواجدهم بهذا المكان..مبسوطين مع أصحابهم وأهلهم..

كان فيه أشخاص يلبسون اللبس الروماني القديم ويجولون بالمكان..
السياح صوروا معهم وطلبوا معلومات عن هذا المكان..

حست بيده على كتفها غمضت عيونها بألم ..
نزلت يدهـ بقهر وصدت عنه..
واللي قهرها زيادة الكلام اللي نطق فيه..
الـــــــــــــــــــى متى اهانـــــــة..؟؟!

غازي\تدرين ان الجواري أنوجدوا في العصر الروماني بكثرة..
كان القيصر يستبيح أكثر بنات روما خصوصاً العذارء..
بينما حاكمات روما كانوا يصابون بالذل والقهر..
بعد مايمل القيصر من جاريته يقتلونها الحاكمات..كانتقام لكرامتهم..

لفها عليه وناظر بعيونها..
ما استغرب نظراتها الحاقدة..
بس تسأل وش سبب الدموع اللي مو راضية توقف من خروجهم من الجناح..
وفي السيارة وفي صف انتظار دخول المدرج..
سحب نظاراته من على عيونه وحطها على عيونها بهدوء..
غازي\ألحين ابكي ولا احد يشوف دموعك..

أنت مؤلم ..أنت جاني..
أنت ما ظنك تعاني..

أنت جرح بيوم أسود..
أنت جبــــار وأناني..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

03-04-2012, 05:49 AM

رشا\وين موديني اترك يدي ماباروح معك..
راجح\انا علمتك من امس كيف راح تكون حياتنا..
رشا بقهر\وانا قلتلك طلقني..
راجح\لو ماكنا بين الناس كان وريتك شغلك..
رشا بصوت عالي\غــــــازي..
راجح\تهدديني بأخوك..خليه ينفعك..
نزل الدرجات بخطوات ثابته وهي تتعثر بخطواتها..
زلت رجلها وكانت بتطيح بس هو مسكها وثبتها..
راجح\وألحين امشي مزبوط..
رشا\ما ابى امشي بأرجع ولدي لحاله..
راجح\ولدك مع شوق انا وصيتها عليه..
رشا\النذلة متفقة معك..
راجح\مو محتاج مساعدتها..

خرجوا من المدرج الروماني وهي تحتج وتعاند لكن هو مااهتم بكلامها..
راجح\اممم الجو حلو مو لازم سيارة..تعالي نمشي..
رشا\راجح الله يخليك تصرفاتك ماتغير شيء بوضعنا..
راجح\يعني عاجبك الوضع اللي احنا فيه؟؟
رشا\ايه عاجبني انا مرتاحة كذا..
راجح\مرتاحة انك عايشة في بيت غريب عنك ومخليه بيت زوجك؟؟
رشا بقهر\أنا عايشة في بيت أخوي لاتنسى..
راجح\أخوك بالرضاعة وبس..
رشا\المهم بيت أخوي..
راجح\وأنا زوجك ومابتعيشي الا في بيتي ومعي انتي وولدك..
رشا\خلاص ماراح اعيش عند غازي باعيش في بيت أخوي طالب..
راجح\تدرين وين المشكلة؟؟
رشا\انت..
راجح\لا انتي مصدقة اني اخذ رايك..بينما انا ابلغك باللي راح يصير..
رشا\ماتقدر تجبرني على شيء بأتصل بطالب اخوي وهو يتفاهم معك..
راجح\ماتدرين ان طالب في ايطاليا؟؟قوليله واشوف وش يقدر يسوي..
رشا\طالب هنا؟؟
راجح\ايه وصل معي امس لكن عنده شغل يخلصه بميلان وراجع هنا..
رشا\غازي يدري؟؟
راجح\ايه يدري..لكن شوق ماتدري خليه يفاجئها..
رشا\تستاهل يصير فيها مثلي..
راجح\وانتي وش صار فيك؟؟
رشا\أنفجعت ماتوقعت أشوووفك..
راجح\من حقك تنفجعي لانك ناسية اني زوجك..من الليلة راح تتذكري..

غازي\يا الله لازم نرجع الفندق ورانا مشوار لـ السفارة..
راجح\موضروري تاخذ الحريم معك..
أم غازي\زوجة السفير مكلمتني لازم نروح كلنا وخصوصاً غازي الصغير..
راجح\الله معكم...

وصلوا الفندق وكلن على جناحه يتجهزوا للمشوار..
كان جالس على الكنبة في الصالة ناداها تجي عنده..
غازي\اجلسي..
جلست بدون عناد..
غازي\اذا أخذتك معي السفارة بتظلين بنت عاقلة..ولا بتحاولين تسوين شيء غلط..
هديل\راح اكون عاقلة وأطلب منهم يتصلون بأهلي..
غازي\توقعت هالشيء..طيب واذا تركتك هنا لوحدك بتهربي..
هديل\ايــــــه..
غازي تنهد\جنيتي على نفسك..
هديل بخبث\في الحالتين انت مجبور تاخذني معك..
غازي يشرب عصير برتقال واشر لها على كاسها..
غازي\تفتكري اني مجبور..
هديل\ايـــــــــــــه..ان تركتني فضحتك بالفندق وقلتلهم يتصلون باهلي..
وأن اخذتني فضحتك بالسفارة وقلت لهم يتصلون باهلي..
غازي\واذا ظليت هنا ومارحت السفارة..
هديل تشرب عصيرها\عادي باهرب في يوم ثاني..
غازي\مثل ماتحبيــــــــــــــن انا حذرتك بس انتي مو راضية تسمعي الكلام..
طنشته وطنشت تهديداته وناوية تقهره ولو شوي مثل ماقهرها..
دخل الغرفة وبدل ملابسه بعد دقايق خرج وهي جالسة بمكانها.
غازي\لساتك مصرة على رأيك..
وقفت بترنح وهي ميتة من الرعب..
هديل\وو..ش صــ ـار؟؟
غازي يقرب منها\وش فيك؟؟
هديل\دايـــ ـخة ..
غازي\لاتخافي راح تنامي لحتى ارجع مابيصيرلك شيء..
هديل تحاول تستوعب كلامه وهي تحس بالخدر في كل جسمها..
مشت خطوتين بس ماقدرت تكمل جلست على ركبها وهي تصرخ بيــــأس..
هديل\لا لا لاااااااا آآآآآآه
غازي يجلس جنبها على ركبه ويحضنها..
غازي\هشششش لاتخافي مخدر بسيط حطيته لك في العصير ماراح يضرك..
هديل تبكي\ما ابـــ ى انام ما ابى لا لا..
غازي\عمي راجح بيكون قريب من هنا وصيته عليك..ماراح تصحي الا لما أجي..
هديل وعيونها تتسكر غصب عنها\لا تخليني لاتــ ....
شالها من على الأرض دخلها غرفة النوم وسدحها على السرير وغطاها..
باسها على خدها من دون ماتدري لانها غفت عن العالم تماماً..
شال المفتاح من على باب غرفة النوم وحطه بجيبه..

خرج من الجناح وقفل الباب ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإعلانات النصية
عبث	منتديات قلوب	مركز تحميل عبث	منتديات عبث

الذين يشاهدون محتوى الموضوع الآن : 257 ( الأعضاء 0 والزوار 257)

سوآلفنا

رواية أماغرام يشرح الصدر طاريه ولا صدود وعمرنا ماعشقنا كاملة بلا ردود

منتدى القصص والروايات